Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

17 Чэр 2015

Раўкоў: Беларусь выступае за ўмацаванне ваеннага складніка АДКБ

17 чэрвеня, Мінск /БЕЛТА - ТАСС/. Удзел Беларусі ў Арганізацыі Дагавора аб калектыўнай бяспецы (АДКБ) адпавядае нацыянальным інтарэсам, садзейнічае ўмацаванню і развіццю супрацоўніцтва ў ваеннай і ваенна-тэхнічнай сферах з яе дзяржавамі-членамі. Аб гэтым заявіў у інтэрв'ю ТАСС міністр абароны Беларусі генерал-лейтэнант Андрэй Раўкоў.

"Аддаючы прыярытэт палітычным сродкам у дасягненні мэт умацавання міру, мы лічым неабходным далейшае ўмацаванне, развіццё і ўдасканаленне ваеннага складніка АДКБ", - адзначыў Раўкоў.

Паводле яго слоў, Беларусь гатова і ў далейшым удзельнічаць ва ўдасканаленні нарматыўна-прававой базы, якая вызначае стратэгічныя прыярытэты дзейнасці арганізацыі ў сферы забеспячэння калектыўнай бяспекі, у фарміраванні і развіцці кааліцыйных і рэгіянальных груповак войскаў, а таксама аб'яднаных ваенных сістэм і міратворчых сіл.

Паводле слоў Раўкова, цяпер прадаўжаецца працэс трансфармацыі АДКБ у шматфункцыянальную структуру бяспекі. "Арганізацыя мае адэкватны патэнцыял стрымлівання ваенных пагроз і, на наш погляд, стала ўнікальным інструментам, здольным забяспечыць стабільнасць і бяспеку ў зоне сваёй адказнасці", - сказаў міністр.

Кіраўнік Мінабароны дадаў, што беларускія ваеннаслужачыя прымаюць удзел ва ўсіх мерапрыемствах баявой падрыхтоўкі ў рамках АДКБ. У прыватнасці, нагадаў ён, у маі бягучага года на тэрыторыі Таджыкістана прайшла праверка гатоўнасці воінскіх кантынгентаў Калектыўных сіл аператыўнага рэагавання АДКБ да выканання задач па прызначэнні, удзел у якой прыняў асабовы склад узмоцненай мабільнай роты 103-й гвардзейскай асобнай мабільнай брыгады сіл спецыяльных аперацый Узброеных Сіл Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі