Прамовы і інтэрв’ю

Рачкоў: лідарства ў рабоце па процідзеянні гандлю людзьмі на сусветнай арэне замацавана за Беларуссю

Фота з архiва

26 красавіка, Мінск /Кар. БЕЛТА/. За Беларуссю замацавана лідарства ў рабоце па процідзеянні гандлю людзьмі на сусветнай арэне, заявіў старшыня Пастаяннай камісіі Палаты прадстаўнікоў па міжнародных справах Сяргей Рачкоў у эфіры тэлеканала "РТР Беларусь", паведамляе БЕЛТА.

Сяргей Рачкоў у эфіры тэлеканала падзяліўся сваім вопытам работы ў Арганізацыі Аб'яднаных Нацый (ААН). "У ААН неабходна праводзіць шмат шматбаковых кансультацый, калі прымаецца нейкая рэзалюцыя. Напрыклад, пасля візіту Аляксандра Рыгоравіча Лукашэнкі на саміт ААН 2005 года было агучана некалькі сур'ёзных ініцыятыў беларускім бокам. І вось я тады ўдзельнічаў у правядзенні кансультацый па падрыхтоўцы рэзалюцыі па процідзеянні гандлю людзьмі. Асноўнымі апанентамі, вядома, былі амерыканцы і еўрапейцы,- падзяліўся Сяргей Рачкоў. - Яны гаварылі, што амерыканцы ўжо да нас займаліся тэмай барацьбы з гандлем людзьмі. Але яны звярталі ўвагу на такі аспект, як аказанне садзейнічання людзям, якія зведалі насілле. А мы звярнулі ўвагу на каардынацыю дзеянняў сусветнай супольнасці па папярэджанні гандлю людзьмі".

Сяргей Рачкоў падкрэсліў, што амерыканцы не хацелі гэту тэму ўступаць. "Мы вельмі доўга праводзілі кансультацыі, і ў выніку ўсё ж такі здолелі дамовіцца менавіта з амерыканцамі. Наша рэзалюцыя была спачатку прынята ў Трэцім камітэце Генеральнай Асамблеі ААН - аднагалосна. І затым таксама была прынята Генеральнай Асамблеяй ААН. І вось ужо недзе з 2006-2007 гадоў гэта рэзалюцыя прымаецца Генеральнай Асамблеяй, а лідарства ў гэтай рабоце замацавана за Беларуссю", - дадаў дэпутат.

версія для друку

зрабіць стартавай

дабавіць у выбранае