Прамовы і інтэрв’ю

Рачкоў: беларуская мадэль эканамічнага развіцця дэманструе прыхільнасць да канцэпцыі ўстойлівага развіцця

Фота Палаты прадстаўнікоў

20 кастрычніка, Мінск /Кар. БЕЛТА/. Беларуская мадэль эканамічнага развіцця дэманструе прыхільнасць да канцэпцыі ўстойлівага развіцця, заявіў старшыня Пастаяннай камісіі Палаты прадстаўнікоў па міжнародных справах Сяргей Рачкоў у ходзе пасяджэння Бюро Пастаяннага камітэта Міжпарламенцкага саюза (МПС) па ўстойлівым развіцці, якое прайшло сёння ў рамках 151-й Асамблеі МПС у Жэневе, паведамілі БЕЛТА ў прэс-службе Палаты прадстаўнікоў.

На пасяджэнні Бюро Пастаяннага камітэта МПС па ўстойлівым развіцці Сяргей Рачкоў праінфармаваў калег аб напрамках развіцця эканомікі Беларусі ў кантэксце пабудовы справядлівай і ўстойлівай глабальнай эканомікі.

Паводле яго слоў, асаблівая беларуская мадэль эканамічнага развіцця, якая сфарміравана за больш як 30-гадовы перыяд незалежнасці краіны,  дэманструе прыхільнасць да канцэпцыі ўстойлівага развіцця. Гэта адлюстравана ў справаздачах аб дасягненні Рэспублікай Беларусь Мэт устойлівага развіцця.

Пры гэтым дэпутат звярнуў увагу, што беларуская эканоміка ўжо некалькі гадоў жыве ва ўмовах жорскіх знешнеэканамічных абмежаванняў, зведваючы на сабе ўплыў санкцыйнай палітыкі Захаду. Сяргей Рачкоў заявіў, што "справядлівым" санкцыям няма і не можа быць месца.

Ён адзначыў, што санкцыі супярэчаць усім нормам міжнароднага права, яны контрпрадукцыйныя і бесперспектыўныя. Такія меры вядуць да нарастання напружанасці, падрываюць давер і ўзмацняюць негатыўны трэнд у адносінах, парушаюць базавыя правы чалавека.

"Беларусь заклікае да поўнага, безагаворачнага і неабарачальнага спынення злачыннай практыкі выкарыстання аднабаковых прымусовых мер і адмены ўжо ўведзеных без згоды Савета Бяспекі ААН і ў парушэнне міжнароднага права", - падкрэсліў у выступленні Сяргей Рачкоў.

версія для друку

зрабіць стартавай

дабавіць у выбранае