Прамовы і інтэрв’ю

Пуцін: сапраўды сяброўскія, братэрскія сувязі звязваюць расіян i беларусаў

27 чэрвеня, Ніжні Ноўгарад /Кар. БЕЛТА/. Сапраўды сяброўскія, братэрскія сувязі звязваюць расіян і беларусаў, заявіў Прэзідэнт РФ Уладзімір Пуцін у відэазвароце да ўдзельнікаў пленарнага пасяджэння ХII Форуму рэгіёнаў Беларусі і Расіі, перадае карэспандэнт БЕЛТА.

"Рады вітаць усіх удзельнікаў і арганізатараў чарговага, XII Форуму рэгіёнаў Расіі і Беларусі. Сустрэчы прадстаўнікоў рэгіёнаў дзвюх краін сталі сапраўды добрай традыцыяй, і на гэты раз на форум прыехалі больш за 800 дэлегатаў з 79 суб'ектаў Расійскай Федэрацыі і ўсіх беларускіх абласцей. Хацеў бы падзякаваць усім вам за рэальны, адчувальны ўклад, які вы ўносіце ў далейшае ўмацаванне расійска-беларускага стратэгічнага партнёрства, нашай Саюзнай дзяржавы, а таксама добрасуседскіх і сапраўды сяброўскіх, братэрскіх сувязяй, што звязваюць расіян і беларусаў. Важна, што практычна ўсе суб'екты Расійскай Федэрацыі і вобласці Беларусі ўдзельнічаюць у рэалізацыі шматлікіх узаемавыгадных сумесных праектаў", - сказаў Уладзімір Пуцін.

Паводле яго слоў, на Расію як галоўнага эканамічнага партнёра Беларусі прыпадае ўжо каля 60 працэнтаў знешнегандлёвага абароту балансу рэспублікі. "У мінулым годзе тавараабарот абнавіў гістарычны максімум і перасягнуў $50 млрд. Па накопленых капіталаўкладаннях у беларускую эканоміку Расія трывала ўтрымлівае першае месца - каля $5 млрд", - адзначыў Прэзідэнт РФ.

"Ведаю, што па выніках вашай цяперашняй сустрэчы запланаваны да падпісання каля ста камерцыйных кантрактаў на агульную суму 20 млрд рублёў. Іх рэалізацыя, безумоўна, будзе садзейнічаць яшчэ больш цеснай інтэграцыі дзвюх нашых краін", - падкрэсліў Уладзімір Пуцін.

версія для друку

зрабіць стартавай

дабавіць у выбранае