Прамовы і інтэрв’ю

Пуцін падзякаваў Лукашэнку за дапамогу Расіі ў перагаворным працэсе з Украінай

Фота ТАСС

1 жніўня, Мінск /Кар. БЕЛТА/. Расія ўдзячна Беларусі за дапамогу ў перагаворным працэсе з Украінай. Аб гэтым заявіў Прэзідэнт Расійскай Федэрацыі Уладзімір Пуцін, адказваючы на пытанні журналістаў у ходзе сустрэчы з Прэзідэнтам Беларусі Аляксандрам Лукашэнкам на востраве Валаам, перадае карэспандэнт БЕЛТА.

"Мы вельмі ўдзячны Аляксандру Рыгоравічу і наогул Беларусі за тую падтрымку, дапамогу, якую нам Беларусь аказвае (у перагаворным працэсе. - Заўвага БЕЛТА). І Прэзідэнт Беларусі. Мы ў кантакце пастаянна. Я пастаянна інфармую Аляксандра Рыгоравіча аб выніках перагавораў. Усе абмены ж у нас адбываюцца на тэрыторыі Беларусі. Там пачаўся перагаворны працэс у 2022 годзе. Потым перабраўся ў Стамбул", - сказаў Уладзімір Пуцін.

Расійскі Прэзідэнт адзначыў, што яму добра вядома пазіцыя беларускага калегі і ўсяго беларускага народа, які імкнецца да таго, каб паміж Расіяй і Украінай хутчэй настаў мір: "Аляксандр Рыгоравіч прымае ў гэтым непасрэдны ўдзел".

версія для друку

зрабіць стартавай

дабавіць у выбранае