Прамовы і інтэрв’ю

Прэзідэнт Зімбабвэ назваў Беларусь "домам далёка ад дому"

14 мая, Мінск /Кар. БЕЛТА/. Беларусь для зімбабвійскай дэлегацыі стала "домам далёка ад дому". Аб гэтым заявіў Прэзідэнт Зімбабвэ Эмерсан Мнангагва ў час перагавораў з кіраўніком беларускай дзяржавы Аляксандрам Лукашэнкам 14 мая ў Мінску, перадае карэспандэнт БЕЛТА.

"Гасціннасць, якая была аказана мне, пераўзыходзіць усе чаканні. І мая дэлегацыя ўдзячна за такую гасціннасць і такі прыём. Гэта сапраўды дом далёка ад дому, - падкрэсліў Эмерсан Мнангагва, звяртаючыся да Аляксандра Лукашэнкі. - Вы з'яўляецеся прыкладам лідарства. Дзякую вам за тую ролю, якую вы адыгрываеце ў плённых дыскусіях і супрацоўніцтве, якія прыводзяць да ўмацавання нашых адносін і існуючай дружбы паміж Зімбабвэ і Беларуссю. Вялікі дзякуй, дарагі брат!"

Прэзідэнт Зімбабвэ таксама павіншаваў Аляксандра Лукашэнку і беларускі народ з 80-годдзем Перамогі савецкага народа ў Вялікай Айчыннай вайне. У час візіту ў Беларусь Эмерсан Мнангагва наведаў Брэсцкую крэпасць-герой. Паводле яго слоў, гэты мемарыяльны комплекс нагадвае аб вялікім подзвігу і ахвярах, якія прынёс беларускі народ дзеля міру ва ўсім свеце. "Мы аддаём даніну павагі воінам Беларусі, якія пакінулі свой след у гісторыі і ўнеслі вялікі ўклад у мірнае існаванне", - адзначыў Эмерсан Мнангагва.

версія для друку

зрабіць стартавай

дабавіць у выбранае