16 снежня, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка павіншаваў суайчынніц з 25-годдзем з дня ўтварэння Беларускага саюза жанчын, паведамілі БЕЛТА ў прэс-службе беларускага лідара.
"За гэтыя гады ваша грамадскае аб'яднанне прыцягнула ў свае рады больш за 170 тыс. чалавек, стаўшы самай масавай з жаночых арганізацый Беларусі, і заваявала аўтарытэт на міжнароднай арэне", - адзначыў кіраўнік дзяржавы.
Аляксандр Лукашэнка падкрэсліў, што разам з важнейшым прызначэннем быць захавальніцай дамашняга ачага, клапатлівай маці, любячай жонкай беларускім жанчынам прадастаўлена магчымасць рэалізаваць сябе ў прафесійнай сферы і прымаць актыўны ўдзел у жыцці краіны. "Вы адыгрываеце значную ролю ў такіх важных галінах, як эканоміка, адукацыя, ахова здароўя, навука, культура. Уносіце вялікі ўклад у выхаванне падрастаючага пакалення, падтрымку пажылых людзей і шматдзетных сем'яў, забеспячэнне палітычнай стабільнасці", - лічыць Прэзідэнт.
Аляксандр Лукашэнка звярнуў увагу на той факт, што развіццё жаночага руху, пашырэнне сацыяльнага партнёрства з дзяржаўнымі і грамадскімі інстытутамі маюць вялікае значэнне для павышэння сацыяльнага статусу жанчын, захавання і папулярызацыі традыцыйных сямейных каштоўнасцей, што асабліва актуальна ў наш час.