Прамовы і інтэрв’ю

Прадстаўнік СААЗ станоўча ацаніў магчымасці беларускай аховы здароўя па лячэнні COVID-19

Фота з архiва

29 студзеня, Мінск /Кар. БЕЛТА/. Сістэма аховы здароўя ў Беларусі здольна задаволіць патрэбнасці насельніцтва ў лячэнні COVID-19, заявіў журналістам спецыяльны прадстаўнік рэгіянальнага дырэктара СААЗ, кіраўнік Краінавага офіса СААЗ у Беларусі Масуд Дара, перадае карэспандэнт БЕЛТА.

Гаворачы аб некаторых еўрапейскіх краінах, Масуд Дара адзначыў, што з-за вельмі хуткага распаўсюджвання эпідэміі некаторыя сістэмы аховы здароўя аказаліся няздольнымі клапаціцца аб усіх пацыентах.

"Сістэмы аховы здароўя могуць справіцца з вызначанай колькасцю выпадкаў, аднак калі колькасць інфіцыраваных узрастае ў геаметрычнай прагрэсіі, як у Італіі, то запаўняюцца палаты, калідоры, запаўняюцца ўсемагчымыя часова пераабсталяваныя памяшкання, і ў такім выпадку становіцца немагчымым аказваць належны медыцынскі догляд", - сказаў ён.

Каб краіна магла справіцца з пандэміяй, патрэбна наяўнасць развітой сістэмы аховы здароўя, якая нармальна функцыянуе, заўважыў спецыяльны прадстаўнік рэгіянальнага дырэктара СААЗ. "У Беларусі - належная сістэма аховы здароўя, яна здольна задаволіць патрэбнасці насельніцтва. Аднак важна памятаць аб тым, з якімі цяжкасцямі сутыкнуліся краіны пры прагрэсіўным росце колькасці выпадкаў, таму прафілактыка, інфармаванне і ўсвядомленае выкананне простых правіл маюць важнейшае значэнне", - падкрэсліў ён.

Пры гэтым Масуд Дара заўважыў, што далёка не ўсім пацыентам патрабуецца шпіталізацыя і наогул наведванне ўстановы аховы здароўя, таму важна думаць пра магчымасці аддаленага, дыстанцыйнага кансультавання.

версія для друку

зрабіць стартавай

дабавіць у выбранае