Прамовы і інтэрв’ю

Пастаянны прадстаўнік Беларусі ў ААН адзначыў устойлівы i рэгулярны характар беларуска-амерыканскіх кантактаў

28 ліпеня, Мінск /Кар. БЕЛТА/. Беларуска-амерыканскія кантакты маюць устойлівы характар. Аб гэтым журналістам заявіў пастаянны прадстаўнік Беларусі ў ААН Валянцін Рыбакоў, перадае карэспандэнт БЕЛТА.

Дыпламат адзначыў, што ў ходзе яго даклада кіраўніку дзяржавы размова ў асноўным ішла пра беларуска-амерыканскі парадак дня. "Нашы кантакты з амерыканскім бокам прадаўжаюцца, маюць вельмі ўстойлівы і рэгулярны характар, - заявіў Валянцін Рыбакоў. - Фактычна раз у тыдзень - дзесяць дзён у мяне праходзяць сустрэчы са спадаром Коўлам (спецпасланнік ЗША Джон Коўл. - Заўвага БЕЛТА) - асноўным перагаворшчыкам з амерыканскага боку - і іншымі прадстаўнікамі". Дыялог ідзе вельмі адкрыты, добразычлівы, прадметны. Спадзяёмся, што ў нейкай агляднай будучыні мы плён гэтага дыялогу ўбачым".

Паводле слоў Валянціна Рыбакова, у ходзе такіх сустрэч абмяркоўваецца ў тым ліку вырашэнне пытанняў двухбаковых адносін Мінска і Вашынгтона. "Літаральна некалькі дзён таму былі сфармуляваны чарговыя вызначаныя прапановы ЗША ў наш адрас. З гэтай інфармацыяй Прэзідэнт азнаёміўся, даў адпаведныя даручэнні тым структурам, якія павінны займацца рэалізацыяй гэтых прапаноў", - заявіў ён.

Пастаянны прадстаўнік Беларусі ў ААН адзначыў, што ўжо праз некалькі дзён плануе вярнуцца ў Нью-Ёрк і сустрэцца са спецпасланнікам ЗША Джонам Коўлам: "Пасланне Прэзідэнта будзе яму перададзена. Будзем чакаць вынікаў".

Ён таксама не выключыў новыя візіты спецпасланніка ЗША ў Беларусь. "Магчыма, размова пойдзе аб нейкіх наступных візітах. Я цяпер не буду агучваць канкрэтныя рэчы або даты", - рэзюмаваў Валянцін Рыбакоў.

версія для друку

зрабіць стартавай

дабавіць у выбранае