Прамовы і інтэрв’ю

Пастаянны прадстаўнік Беларусі пры ААН раскрытыкаваў дзейнасць Савета па правах чалавека

Валянцін Рыбакоў. Фота МЗС

4 лістапада, Мінск /Кар. БЕЛТА/. Пастаянны прадстаўнік Беларусі пры ААН Валянцін Рыбакоў, выступаючы на пленарным пасяджэнні 74-й сесіі Генеральнай Асамблеі ААН па Дакладзе Савета ААН па правах чалавека, раскрытыкаваў дзейнасць гэтага савета. Аб гэтым БЕЛТА паведамілі ў прэс-службе МЗС.

Валянцін Рыбакоў пацвердзіў важнасць Савета ААН па правах чалавека ў міжнароднай праваахоўнай тэматыцы, падкрэсліўшы, што работа гэтага органа павінна быць накіравана на рэальныя пытанні правоў чалавека і садзейнічаць умацаванню патэнцыялу дзяржаў у галіне абароны і заахвочвання правоў чалавека. Валянцін Рыбакоў выступіў у падтрымку механізма ўніверсальнага перыядычнага агляду, створанага ў адпаведнасці з мандатам СПЧ, праз які павінен ажыццяўляцца неселектыўны маніторынг сітуацыі з правамі чалавека ва ўсіх краінах без выключэння.

"Разам з тым беларускі дыпламат раскрытыкаваў дзейнасць СПЧ, адзначыўшы наяўнасць закаранелых праблем у яго рабоце: палітызацыю і двайныя стандарты, неаб'ектыўнасць ацэнак сітуацый з правамі чалавека ў розных краінах, празмерную перагружанасць дыскусій краінавымі "сюжэтамі". Падкрэсліў, што СПЧ ператвараецца ў рэпрэсіўны орган і працуе ўразрэз з Парадкам дня ў галіне ўстойлівага развіцця на перыяд да 2030 года, у якім не згадваецца легалізацыя метадаў палітычнага націску, санкцый або іх пагроза, - адзначылі ў МЗС. - Кіраўнік беларускай дыпмісіі выступіў супраць краінавых мандатаў, якія не садзейнічаюць дыялогу паміж дзяржавамі".

З улікам крытычнай фінансавай сітуацыі і неабходнасці эканоміі рэсурсаў ААН Валянцін Рыбакоў прапанаваў падумаць над правядзеннем рэвізіі парадкаў дня Трэцяга камітэта Генеральнай Асамблеі ААН і СПЧ і выключыць з іх дубліруючыя рэзалюцыі, што дасць магчымасць павысіць эфектыўнасць СПЧ, скараціць чалавечыя і фінансавыя рэсурсы.

"Пастаянны прадстаўнік Беларусі падкрэсліў, што ўмацаванне СПЧ не павінна разглядацца за кошт надзялення гэтага органа дадатковымі функцыямі судзейства. Кіраўнік беларускай дыпмісіі выступіў за неабходнасць развіцця ў Савеце механізмаў супрацоўніцтва і дыскусійных пляцовак па абмене перадавой практыкай у розных сферах правоў чалавека, у тым ліку ў кантэксце рэалізацыі Парадку дня - 2030", - праінфармавалі ў МЗС.

версія для друку

зрабіць стартавай

дабавіць у выбранае