Прамовы і інтэрв’ю

Пасол Кыргызстана: усебаковае партнёрства з Беларуссю aдзін з прыярытэтаў нашай палітыкі

28 жніўня, Мінск /Кар. БЕЛТА/. Усебаковае развіццё і ўмацаванне партнёрства і дружбы з Беларуссю з'яўляецца адным з прыярытэтных напрамкаў знешняй палітыкі Кыргызстана. Важнасць гэтага адзначыў Надзвычайны і Паўнамоцны Пасол Кыргызскай Рэспублікі ў Рэспубліцы Беларусь Эрбол Султанбаеў 28 жніўня ў Доме дружбы ў ходзе мерапрыемства да Дня Незалежнасці Кыргызскай Рэспублікі, а таксама адкрыцця кыргызскай фотавыстаўкі, перадае карэспандэнт БЕЛТА.

Пасол падкрэсліў: "У апошнія гады дзякуючы старанням лідараў дзвюх краін Садыра Жапарава і Аляксандра Лукашэнкі кыргызска-беларускае супрацоўніцтва атрымала новы імпульс, які адкрывае вялікія магчымасці для дзвюх краін. У аснове нашых двухбаковых адносін знаходзяцца традыцыйна дружалюбныя сувязі, пабудаваныя на агульным гераічным гістарычным мінулым. Нашы бацькі і дзяды змагаючыся плячо ў плячо ў гады Вялікай Айчыннай вайны адстаялі права народаў жыць і развівацца. Не менш важны фактар тое, што нашы народы вельмі блізкія па духу".

Дыпламат выказаў упэўненасць, што ў дзвюх краін ёсць усе неабходныя перадумовы для актывізацыі ўзаемадзеяння і яго пераходу на больш высокі ўзровень.

"На сённяшні дзень у аснове нашага супрацоўніцтва - неабходная прававая і інстытуцыянальная база", - заўважыў ён.

версія для друку

зрабіць стартавай

дабавіць у выбранае