Прамовы і інтэрв’ю
"Наперадзе шмат добрых праектаў". Васілеўская пра дзейнасць Беларускага фонду міру
4 красавіка, Мінск /Кар. БЕЛТА/. Беларускі фонд міру актыўна дапамагае розным катэгорыям - і малышам, і ветэранам, паведаміла журналістам намеснік старшыні праўлення фонду па гуманітарным супрацоўніцтве і грамадскай дзейнасці, першая жанчына-касманаўт Беларусі Марына Васілеўская, перадае карэспандэнт БЕЛТА.
"Цудоўная грамадская арганізацыя, вельмі вялікая. Мы дапамагаем як дзеткам маленькім, так і ветэранам вайны і працы. Мы адкрываем палаты ў бальніцах у кожным рэгіёне нашай рэспублікі. Усе дамы малюткі на нашым забеспячэнні. Цяпер займаемся вельмі добрым праектам - будуем капліцу святой Валянціны Мінскай, каб людзі маглі прыходзіць, маліцца і прасіць аб дапамозе, таму што сапраўды цуды ёсць", - сказала Марына Васілеўская.
Фонд рэалізуе шмат праектаў. У прыватнасці, з Героем Расіі лётчыкам-касманаўтам Алегам Навіцкім, ураджэнцам Беларусі, увасоблены ў жыццё праект "Моцныя духам", вынікам якога сталі карціны, створаныя асаблівымі дзецьмі.
Марына Васілеўская выказала ўпэўненасць, што наперадзе будзе вельмі шмат добрых праектаў.
"Калі ты робіш добрую справу, мне здаецца, душа радуецца ад таго, што сапраўды ты не проста так прыйшоў у гэты свет. Я ўжо расказвала, што на вышыні 400 км ад Зямлі ў аглядны ілюмінатар я бачыла нашу планету. Зразумела, што мая місія - гэта, вядома, дапамагаць і служыць людзям", - сказала яна.
Першая жанчына-касманаўт Беларусі пераканана, што кожны чалавек павінен разумець сваё прызначэнне на гэтай зямлі. "Я вельмі шчаслівая: па волі лёсу я трапіла ў космас і па волі лёсу трапіла ў Беларускі фонд міру", - сказала яна.
У Мінску сёння адбылося пашыранае пасяджэнне бюро праўлення грамадскага аб'яднання "Беларускі фонд міру".
версія для друку
зрабіць стартавай
дабавіць у выбранае