У Беларусь без візы на 30 дзён
Афіцыйны сайт Рэспублікі Беларусь
Арына Пехцерава прадстаўляе Беларусь на дзіцячым
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

13 Лют 2017

МЗС: Беларусь спадзяецца на хуткае прыняцце рашэння аб адкрыцці пасольства Іспаніі

МЗС: Беларусь спадзяецца на хуткае прыняцце рашэння аб адкрыцці пасольства Іспаніі

13 лютага, Мінск /Кар. БЕЛТА/. Беларускі бок выказвае надзею на прыняцце ў кароткатэрміновай перспектыве рашэння аб адкрыцці пасольства Каралеўства Іспанія ў Рэспубліцы Беларусь, што будзе садзейнічаць далейшаму развіццю беларуска-іспанскіх міждзяржаўных сувязей. Аб гэтым гаворыцца ў камюніке да 25-годдзя ўстанаўлення дыпламатычных адносін паміж дзвюма краінамі, паведамілі БЕЛТА ў МЗС Беларусі.

Беларусь і Іспанія 13 лютага адзначаюць важную юбілейную дату - 25 гадоў з дня ўстанаўлення дыпламатычных адносін. "Беларуска-іспанскія адносіны, якія гістарычна характарызуюцца ўзаемным інтарэсам і канструктыўным характарам, плённа развіваюцца як у двухбаковым фармаце, так і ў рамках міжнародных арганізацый. Беларускі бок высока ацэньвае падтрымку Іспаніяй курсу Беларусі на палітычную і эканамічную незалежнасць, шматвектарную знешнюю палітыку, а таксама ініцыятыў нашай дзяржавы, накіраваных на захаванне міру і стабільнасці на еўрапейскім кантыненце", - гаворыцца ў камюніке.

Адзначаецца, што, пачынаючы з 2014 года, двухбаковае супрацоўніцтва істотна актывізавалася: адбыўся шэраг візітаў урадавых і парламенцкіх дэлегацый, праводзіцца актыўная работа па пашырэнні дагаворна-прававой базы ўзаемадзеяння, рэалізуюцца сумесныя праекты ў гандлёва-эканамічнай сферы. У рамках палітычнага дыялогу паміж Мінскам і Мадрыдам абмяркоўваецца шырокі спектр пытанняў, у тым ліку па праваахоўнай тэматыцы.

Актыўна развіваецца супрацоўніцтва ў гуманітарнай, культурнай і адукацыйнай сферах. Іспанія займае трэцюю пазіцыю сярод замежных краін па прыёме на аздараўленне беларускіх дзяцей з рэгіёнаў, што пацярпелі ад аварыі на Чарнобыльскай АЭС. Больш за тысячу беларускіх студэнтаў штогод атрымліваюць кваліфікацыю спецыяліста па іспанскай мове, ажыццяўляецца абмен стажыроўкамі для выкладчыкаў і студэнтаў, рэалізуюцца сумесныя навуковыя даследаванні. Устаноўлены прамыя кантакты паміж вядучымі музеямі, бібліятэкамі і ўстановамі адукацыі ў галіне культуры.

Вялікае значэнне надаецца развіццю міжрэгіянальнага супрацоўніцтва. Асаблівая роля тут належыць дзеючым у абедзвюх краінах ганаровым консульствам.

"З'яўляючыся адной з самых уплывовых дзяржаў у Еўропе і свеце, Іспанія разглядаецца беларускім бокам як адзін з прыярытэтных глабальных і рэгіянальных партнёраў нашай краіны з сур'ёзным патэнцыялам далейшага развіцця двухбаковых адносін. Пацвярджэннем таго стала рашэнне ўрада Беларусі аб адкрыцці ў Мадрыдзе пасольства, якое пачало работу ў снежні 2016 года", - адзначаецца ў камюніке.

"Адным з галоўных прыярытэтаў узаемадзеяння паміж нашымі краінамі з'яўляецца развіццё гандлёва-эканамічных сувязей. Плануецца падпісанне міжурадавага мемарандума аб эканамічным і прамысловым супрацоўніцтве, у якім прадугледжана стварэнне эфектыўнага інстытуцыянальнага інструмента - Беларуска-іспанскай сумеснай камісіі па гандлёва-эканамічным супрацоўніцтве. Беларусь зацікаўлена ў паступальным развіцці двухбаковых адносін з Іспаніяй па ўсім спектры напрамкаў, уключаючы палітычны дыялог, эканамічнае ўзаемадзеянне, супрацоўніцтва ў гуманітарнай, культурнай, навуковай і адукацыйнай сферах, пашырэнне міжчалавечых кантактаў. Упэўнены, што ўмацаванне дружалюбных беларуска-іспанскіх адносін адпавядае стратэгічным інтарэсам абедзвюх краін і чаканням нашых народаў", - гаворыцца ў распаўсюджаным МЗС камюніке.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі