Прамовы і інтэрв’ю
МЗС: Беларусь паслядоўна выступае за мірнае вырашэнне карабахскага канфлікту
2 красавіка, Мінск /Кар. БЕЛТА/. Беларусь паслядоўна выступае за мірнае вырашэнне карабахскага канфлікту. Аб гэтым гаворыцца ў заяве Міністэрства замежных спраў Рэспублікі Беларусь у сувязі з падзеямі вакол Нагорнага Карабаха, перадае БЕЛТА.
"Рэспубліка Беларусь глыбока заклапочана аднаўленнем актыўных баявых дзеянняў з прымяненнем цяжкіх відаў узбраенняў у раёне Нагорнага Карабаха", - заявілі ў МЗС.
Як краіна - член Мінскай групы АБСЕ Беларусь паслядоўна выступае за мірнае вырашэнне канфлікту ў адпаведнасці з агульнапрызнанымі прынцыпамі і нормамі міжнароднага права, перш за ўсё, на аснове захавання і забеспячэння суверэнітэту, тэрытарыяльнай цэласнасці і непарушнасці граніц дзяржаў, а таксама адпаведных рэзалюцый Савета Бяспекі ААН і рашэнняў АБСЕ.
"Заклікаем бакі неадкладна спыніць агонь і пазбягаць любых крокаў, якія вядуць да росту напружанасці і чалавечых ахвяр. Разлічваем, што сустаршыні Мінскай групы АБСЕ пры падтрымцы ўсіх дружалюбных Азербайджану і Арменіі краін выкарыстаюць свой аўтарытэт і ўплыў для забеспячэння дээскалацыі і вяртання да пошуку вырашэння карабахскай праблемы за сталом перагавораў", - гаворыцца ў заяве беларускага знешнепалітычнага ведамства.
версія для друку
зрабіць стартавай
дабавіць у выбранае