Прамовы і інтэрв’ю

Кіраўнік урада адзначыў, што прадметам асобнага разгляду ў час яго візіту ў Кітайскую Народную Рэспубліку (19-23 студзеня) стала фарсіраванне работ па праекту стварэння Кітайска-беларускага індустрыяльнага парку. Міхаіл Мясніковіч застаўся задаволены вынікамі перагавораў. "Дадзены адпаведныя даручэнні, якія актывізуюць працэс з боку кітайскіх кампаній", - сказаў ён.

Прэм'ер-міністр падкрэсліў, што ў Беларусі створаны беспрэцэдэнтныя ўмовы для льготнага рэжыму падаткаабкладання рэзідэнтаў парку - так званая схема "10+10". У адпаведнасці з ёй на працягу першых дзесяці гадоў рэзідэнты Кітайска-беларускага індустрыяльнага парку вызваляюцца ад падаткаў. У наступныя дзесяць гадоў падаткаабкладанне будзе складаць палавіну ад традыцыйнага. "Гэта стварае вельмі камфортныя ўмовы для работы бізнесу ў індустрыяльным парку", - адзначыў кіраўнік урада.

Адказваючы на пытанне аб тэрмінах уводу парку, Міхаіл Мясніковіч падкрэсліў: "Не ставіцца задача ўкамплектаваць яго да нейкай канкрэтнай даты - гэта эвалюцыйны працэс".

Рэалізацыя праекта будзе ажыццяўляцца паэтапна, што зменшыць аднаразовыя капітальныя затраты, адзначыў прэм'ер. Так, у бягучым годзе за кошт сродкаў беларускага боку пачынаюцца работы па знешняму інынернаму забеспячэнню тэрыторыі парку. "У першую чаргу гэта датычыцца электразабеспячэння (гэтыя пытанні ўжо амаль вырашаны). У маі-чэрвені пачнуцца работы па будаўніцтву газаправода і ліній сувязі", - праінфармаваў Міхаіл Мясніковіч. Цяпер ідзе адпрацоўка інжынерна-транспартнай інфраструктуры ўнутры тэрыторыі парку.

На заканчэнне кіраўнік беларускага ўрада адзначыў: "Разам з кітайскімі парнёрамі мы імкнёмся да таго, каб мінімізаваць затраты, каб яны былі меншым абцяжараннем для рэзідэнтаў парку, каб такім чынам умовы для іх бізнесу былі яшчэ больш выгаднымі".