У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

26 Май 2017

Міхадзюк: Беларусь гатова адказаць на ўсе пытанні па будаўніцтве БелАЭС

Міхадзюк: Беларусь гатова адказаць на ўсе пытанні па будаўніцтве БелАЭС

26 мая, Астравец /Кар. БЕЛТА/. Беларусь гатова адказаць на ўсе пытанні па будаўніцтве БелАЭС, заявіў сёння намеснік міністра энергетыкі Міхаіл Міхадзюк, звяртаючыся да замежных дыпламатаў, якія наведваюць пляцоўку будаўніцтва Беларускай АЭС, перадае карэспандэнт БЕЛТА.

"Гэта ўжо другая такая сустрэча на гэтай зямлі, і вельмі хацелася б, каб такія сустрэчы сталі рэгулярнымі. І не толькі ў плане знаёмства з рэалізацыяй нашага ядзерна-энергетычнага праекта, мы таксама гатовы адказаць, што ў цэлым робіцца ў энергетыцы нашай краіны. Мне хацелася б, каб, пакідаючы сёння гэту тэрыторыю, у вас не засталося нявысветленым ніводнае пытанне, каб вы атрымалі адказы на ўсе пытанні. Акрамя таго, мы гатовы прымаць і прадстаўнікоў вашых краін, міжнародных арганізацый, гатовы адкрыта паказаць і расказаць усё", - падкрэсліў намеснік міністра.

Міхаіл Міхадзюк расказаў, што ў новым інфармацыйным цэнтры БелАЭС за апошнія два гады пабывалі больш за 70 замежных дэлегацый з многіх краін свету, а таксама дэлегацыі міжнародных арганізацый.

Больш за 25 акрэдытаваных у Беларусі дыпламатаў наведваюць сёння пляцоўку будаўніцтва БелАЭС. Сярод іх кіраўнікі дыпламатычных місій і часовыя павераныя. У прыватнасці, з ходам будаўніцтва БелАЭС азнаёмяцца паслы Расіі, ААЭ, Палесціны, Вялікабрытаніі, Турцыі, ФРГ, Украіны, Сербіі, Румыніі, Туркменістана. Таксама ў Астравец прыехалі дыпламаты з такіх краін, як Славакія, Чэхія, Польшча, Японія, Венгрыя, ЗША, Нідэрланды.

Беларуская АЭС - праект па будаўніцтве атамнай электрастанцыі новага пакалення "тры плюс" з двума энергаблокамі ВВЭР-1200 МВт, які рэалізуецца за 18 км ад Астраўца (Гродзенская вобласць). Першы энергаблок плануецца ўвесці ў эксплуатацыю ў 2019 годзе, другі - у 2020-м.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі