VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

15 Лют 2016

Мусіенка: Адмена санкцый дасць магчымасць Беларусі развіваць паўнацэннае эканамічнае супрацоўніцтва з ЕС

16 лютага, Мінск /Кар. БЕЛТА/. Адмена большасці санкцый адносна Беларусі дасць магчымасць развіваць паўнацэннае эканамічнае супрацоўніцтва з Еўрасаюзам. Такое меркаванне выказаў карэспандэнту БЕЛТА кіраўнік аналітычнага цэнтра EcooМ Сяргей Мусіенка.

"Адмена большасці санкцый адносна нашай краіны - гэта, безумоўна, правільнае рашэнне ЕС, хоць яно і цяжка яму далося. Еўрасаюз вельмі стараўся не страціць твар, але логіка развіцця сітуацыі і паводзіны беларускага боку далі яму магчымасць і захаваць твар, і ануляваць большасць абмежаванняў, - заўважыў Сяргей Мусіенка. - Мінскія ініцыятывы па ўрэгуляванні сітуацыі ва Украіне і многае іншае дало магчымасць краінам Еўрасаюза адкрыць вочы і ўбачыць Беларусь з лепшага боку".

Палітолаг звярнуў увагу, што Беларусь знаходзілася пад санкцыямі доўгі час, і за гэты перыяд грамадзяне звыкліся з думкамі аб гэтым, хоць і незразумела было, чаму міралюбівая краіна ў цэнтры Еўропы трапіла пад нейкія абмежаванні.

"Мы звыкліся з гэтымі думкамі, але асадак заўсёды заставаўся, тым больш што не было паўнацэннага эканамічнага супрацоўніцтва з краінамі Еўропы", - сказаў ён.

"І хоць адмена большасці санкцый пакуль не праяўляецца для нас у кантрактах і грашовым эквіваленце, яна дапаможа беларускаму боку стварыць клімат, які дазволіць інвестарам часцей прыходзіць у нашу краіну", - лічыць эксперт.

"Любыя эканамічныя зрухі цяпер будуць для нас вельмі своечасовыя", - рэзюмаваў Сяргей Мусіенка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход