11 чэрвеня, Мінск /Кар. БЕЛТА/. Беларусь гатова забяспечыць усе ўмовы для перагавораў па сітуацыі на паўднёвым усходзе Украіны. Аб гэтым сёння журналістам заявіў начальнік упраўлення інфармацыі - прэс-сакратар МЗС Дзмітрый Мірончык, перадае карэспандэнт БЕЛТА.
"Беларускі бок гатовы забяспечыць усе неабходныя ўмовы для правядзення перагавораў па ўрэгуляванні сітуацыі на паўднёвым усходзе Украіны ў любых фарматах і ў самыя сціслыя тэрміны", - падкрэсліў прэс-сакратар МЗС.
Пры гэтым беларускі бок пакідае анонсы гэтых сустрэч за прадстаўнікамі бакоў, якія ўдзельнічаюць у перагаворах. "Што датычыцца інфармацыі для СМІ адносна тэхнічных момантаў асвятлення мерапрыемства, як правіла, мы яе распаўсюджваем за дзень да яго правядзення", - нагадаў Дзмітрый Мірончык.