Прамовы і інтэрв’ю

"Можам рабіць тэхналагічныя рыўкі". Эксперт назваў самы каштоўны рэсурс Беларусі i Расіі

Фота з архiва

26 ліпеня, Мінск /Кар. БЕЛТА/. Галоўны рэсурс, якім валодаюць Беларусь і Расія, назваў у праекце БЕЛТА "У тэме" ваенны эксперт Мікалай Бузін.

"Мы самі шмат чаго можам. Раней думалі, што купім дзесьці... Але павінны быць свае мазгі, свой вектар развіцця. У нас мазгі выдатна працуюць, ёсць нармальная адукацыя. І гэты рэсурс трэба выкарыстоўваць. Галоўны рэсурс Беларусі і Расіі - гэта разумныя людзі. І мы здольны рабіць тэхналагічныя рыўкі", - падкрэсліў эксперт.

Як адзначыў Мікалай Бузін, раней тэхналагічная перавага была на баку Еўропы, але яна яе страціла. І калі па асобных напрамках яна яшчэ захоўваецца, то ў глабальным сэнсе тэхналагічнае лідарства перайшло ў іншыя рэгіёны свету. Такім чынам, упэўнены ён, Беларусь і Расія могуць або атрымаць неабходныя тэхналогіі ў дружалюбных краінах, або самі валодаюць неабходнымі кампетэнцыямі ў тых ці іншых сферах.

Еўропа не толькі страціла тэхналагічную перавагу, але і не валодае каштоўнымі рэсурсамі. Такім чынам, заявы, якія рэгулярна гучаць у асяроддзі еўрапейскай палітычнай эліты і ў заходніх сродках масавай інфармацыі аб магчымай агрэсіі з боку Расіі, не маюць сэнсу. Размова ідзе аб тым, што пасля завяршэння канфлікту ва Украіне Расія нібыта ўварвецца ў краіны Еўропы. "Маўляў, яшчэ трохі, і ўсе танкі рушаць туды. Каму гэта трэба? Еўропа пустая, у яе няма рэсурсаў. А галоўнай каштоўнасцю ў свеце сёння з'яўляюцца рэсурсы, - падкрэсліў эксперт. - Я хацеў бы сказаць наступнае: нікому не патрэбна сёння вайна, на гэта патрабуюцца вялізныя грошы".

*Праект створаны за кошт сродкаў мэтавага збору на вытворчасць нацыянальнага кантэнту.

версія для друку

зрабіць стартавай

дабавіць у выбранае