У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

15 Май 2020

Міністэрства аховы здароўя: мы выходзім на плато па каранавірусе

Міністэрства аховы здароўя: мы выходзім на плато па каранавірусе
Фота з архiва

15 мая, Мінск /Кар. БЕЛТА/. Беларусь выходзіць на плато па каранавірусе, заявіла намеснік міністра аховы здароўя Алена Богдан у эфіры тэлеканала СТБ, паведамляе БЕЛТА.

"Вы ведаеце, што апошнім часам мы выходзім на так званае плато, калі мы выяўляем (каранавірус. - Заўвага БЕЛТА) у сярэднім недзе каля 8,7-9,7 працэнта ад колькасці праведзеных тэстаў. І калі ўзяць нашу дыяграму, то на гэта плато мы ўзабраліся і знаходзімся", - сказала Алена Богдан.

"На 14 мая ў нас 26 772 чалавекі сумарна з першага нашага пацыента, у якіх выяўлена РНК віруса. Прыемна, што 8 168 пацыентаў на сённяшні момант выздаравелі і выпісаны з устаноў аховы здароўя або закончылі нагляд у амбулаторна-паліклінічных установах", - адзначыла намеснік міністра.

Каменціруючы прэпараты, якія выкарыстоўваюцца для лячэння каранавіруса, Алена Богдан звярнула ўвагу, што на сённяшні дзень панацэі ад COVID-19 няма. "Таму што ўсе даследаванні вядуцца па абсалютна розных прэпаратах, якія дзейнічаюць на абсалютна розныя захворванні, нават паміж сабой часам лагічна не звязаны. Гэта і прэпараты, якія мы выкарыстоўваем для лячэння малярыі, для лячэння нейкіх захворванняў, звязаных з аўтаімуннымі парушэннямі. Гэта прэпараты для лячэння ВІЧ-інфекцыі. Гэта прэпараты для лячэння рэўматоіднага артрыту", - растлумачыла яна.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс