VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

6 Чэр 2018

Мясніковіч прапануе Чэхіі больш актыўна выкарыстоўваць магчымасці Беларусі як члена ЕАЭС

Мясніковіч прапануе Чэхіі больш актыўна выкарыстоўваць магчымасці Беларусі як члена ЕАЭС

6 чэрвеня, Мінск /Кар. БЕЛТА/. Чэхія магла б больш актыўна выкарыстоўваць магчымасці Беларусі як члена ЕАЭС. Аб гэтым сёння заявіў старшыня Савета Рэспублікі Міхаіл Мясніковіч на сустрэчы з дэлегацыяй Сената парламента Чэхіі на чале са старшынёй камітэта па замежных справах, абароне і бяспецы Францішкам Бубланам, перадае карэспандэнт БЕЛТА.

"Чэхія магла б больш актыўна выкарыстоўваць магчымасці Беларусі як члена Еўразійскага эканамічнага саюза для гандлю, інвестыцый, рэалізацыі гуманітарных і іншых праектаў", - сказаў старшыня Савета Рэспублікі. Беларусь разлічвае на прыход чэшскіх інвестараў для развіцця сумеснага бізнесу.

Спікер агучыў яшчэ некалькі прапаноў, якія павінны пасадзейнічаць пашырэнню двухбаковых кантактаў. Так, ён лічыць, што Беларусі і Чэхіі трэба пашырыць дагаворна-прававую базу. Цяпер на разглядзе бакоў знаходзяцца 9 праектаў пагадненняў, у тым ліку па навукова-тэхнічным супрацоўніцтве. Рэалізацыя апошняга будзе садзейнічаць кантактам паміж беларускай і чэшскай моладдзю, універсітэтамі, навукова-даследчымі цэнтрамі, упэўнены Міхаіл Мясніковіч. Ён выказаў надзею, што чэшскія парламентарыі акажуць падтрымку пагадненням, якія ўжо разглядаюцца, і з'яўленню новых. Акрамя таго, у Савеце Рэспублікі як палаце парламента тэрытарыяльнага прадстаўніцтва выступаюць за актывізацыю кантактаў паміж рэгіёнамі.

Міхаіл Мясніковіч дадаў, што Беларусь разглядае Чэхію як важнага гандлёва-эканамічнага і палітычнага партнёра ў Еўропе, і выказаў упэўненасць, што кантакты паміж дзвюма краінамі, у тым ліку парламенцкія, могуць быць больш актыўныя. Ён лічыць, што бакам, у прыватнасці, трэба больш актыўна выкарыстоўваць магчымасці міжнародных пляцовак, двухбаковых кантактаў. Спікер упэўнены, што ў Беларусі і Чэхіі можа быць больш сумесных праектаў і ініцыятыў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход