Прамовы і інтэрв’ю

Макей: вакол Беларусі ідзе адкрытая геапалітычна барацьба

17 лістапада, Мінск /Кар. БЕЛТА/. Вакол Беларусі сышліся інтарэсы сусветных ігракоў і адбываецца адкрытая геапалітычная барацьба. Аб гэтым заявіў сёння журналістам міністр замежных спраў Беларусі Уладзімір Макей па выніках нарады ў кіраўніка дзяржавы па пытаннях знешняй палітыкі, перадае карэспандэнт БЕЛТА.

"Вакол нашай краіны сышліся інтарэсы шэрага геапалітычных ігракоў і адбываецца адкрытая геапалітычная барацьба, як бы хто ні спрабаваў гэта адмаўляць. Таму нам даводзіцца рэагаваць на тыя непажаданыя для нас выклікі і пагрозы, якія ўзнікаюць вакол Беларусі. Павінен падкрэсліць, што яны маюць абсалютна штучны характар​​", - сказаў Уладзімір Макей.

Ён заявіў, што відавочна ўмяшанне звонку ва ўнутраныя справы краіны, аб чым беларускі бок і гаворыць са сваімі партнёрамі ў час двухбаковых кантактаў і на пляцоўках міжнародных арганізацый.

"Такія дзяржавы, як Беларусь, сярэднія па маштабе і патэнцыяле, вымушаны ўлічваць свае інтарэсы на ўсіх напрамках. Расія адназначна з'яўляецца нашым галоўным, стратэгічным партнёрам і саюзнікам, гэтак жа, як Кітай. Але гэта не значыць, што мы павінны замыкацца толькі на нейкіх двух напрамках, як бы хто ні папракаў нас у тым, што мы спрабуем праводзіць палітыку шматвектарнасці. Як можна адмовіцца ад узаемавыгадных напрамкаў супрацоўніцтва з краінамі далёкай дугі, еўрапейскімі краінамі, куды ідзе больш за 50 працэнтаў нашага экспарту? - выказаў недаўменне міністр. - Расія для нас галоўны партнёр і саюзнік, мы маем намер і далей паглыбляць наша супрацоўніцтва, але не будзем адмаўляцца ад іншых вектараў".

версія для друку

зрабіць стартавай

дабавіць у выбранае