Прамовы і інтэрв’ю
Майра Мора: Беларусь прыкладае вялікія намаганні для забеспячэння еўрапейскай пагранічнай бяспекі
5 лістапада, Брэст /Кар. БЕЛТА/. Беларусь прыкладае вялікія намаганні для забеспячэння еўрапейскай пагранічнай бяспекі. Аб гэтым сёння заявіла журналістам кіраўнік прадстаўніцтва Еўрасаюза ў Беларусі Майра Мора, перадае карэспандэнт БЕЛТА.
"Беларусь надзейна ахоўвае граніцу з краінамі Еўрасаюза. Сёння асабіста мяне вельмі ўразіла тое, як абсталяваны пункты пропуску на беларускай дзяржграніцы. Аказваецца, Беларусь сама вырабляе шмат сродкаў і прыбораў для аховы сваіх рубяжоў. І гэта вельмі добра", - сказала Майра Мора.
Дыпламат нагадала, што цяпер у інтарэсах беларускай пагранічнай службы рэалізуецца некалькі праграм з агульным бюджэтам больш як
4 млн еўра, у інтарэсах мытні - больш за 15 млн еўра. "Акрамя таго з 2001 года больш за 57 млн еўра ўкладзена ў развіццё гэтых сфер", - дадала яна.У якасці прыкладу кіраўнік прадстаўніцтва прывяла праект міжнароднай тэхнічнай дапамогі "СУРКАП-2", на працягу якога ў 2015-2016 гадах плануецца пастаўка абсталявання і тэхнічных сродкаў аховы граніцы на суму амаль 2,2 млн еўра.
"Гаварыць аб пачатку новых сумесных праектаў па пагранічнай тэматыцы можна будзе толькі ў 2015 годзе", - адзначыла Майра Мора.
У сваю чаргу ў Дзяржпагранкамітэце звярнулі ўвагу, што беларускі напрамак ужо даўно не разглядаецца ў Еўропе ў якасці праблемнага ні з пункту гледжання міграцыі, ні іншых крымінальных сегментаў.
Сёння адбыўся азнаямленчы візіт на ўчастак беларуска-польскай дзяржграніцы кіраўнікоў пасольстваў сумежных дзяржаў - членаў ЕС, а таксама прадстаўніцтва ЕС, Міжнароднай арганізацыі па міграцыі і УВКБ ААН у Беларусі.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
