Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

26 Снж 2017

Лукашэнка заклікаў не палітызаваць барацьбу з допінгам у спорце

Лукашэнка заклікаў не палітызаваць барацьбу з допінгам у спорце

26 снежня, Масква /Эдуард Півавар - БЕЛТА/. Прэзідэнт Беларусі Аляксандр Лукашэнка заклікаў не палітызаваць барацьбу з допінгам у спорце. Аб гэтым кіраўнік беларускай дзяржавы заявіў 26 снежня на нефармальнай сустрэчы прэзідэнтаў краін СНД, якая прайшла ў падмаскоўнай рэзідэнцыі Прэзідэнта Расіі ў Нова-Агарове, перадае карэспандэнт БЕЛТА.

Гаворачы пра сітуацыю, звязаную з адхіленнем зборнай Расіі ад маючых адбыцца Алімпійскіх гульняў у Рэспубліцы Карэя, Аляксандр Лукашэнка падкрэсліў, што Беларусь падтрымлівае барацьбу Расіі з допінгам. Ён яшчэ раз заявіў, што ўжыванне спартсменамі допінгу недапушчальна, аднак прыцягваць да адказнасці трэба менавіта тых, хто ў гэтым быў выкрыты. "А калі вы за руку не злавілі, то няма чаго трубіць на ўвесь свет і прымяняць такія санкцыі", - заявіў Прэзідэнт.

У якасці прыкладу ён прывёў сітуацыю, калі перад Алімпіядай у Рыа-дэ-Жанэйра па надуманай прычыне была адхілена ад спаборніцтваў зборная Беларусі па веславанні, якая з'яўляецца адной з мацнейшых у свеце. "Праз два або тры месяцы мы дабіліся ў судзе праўды, але час мінуў", - канстатаваў кіраўнік дзяржавы. Краіна не толькі страціла медалі, але і пацярпеў яе імідж, канстатаваў Прэзідэнт.

Аляксандр Лукашэнка яшчэ раз падкрэсліў, што трэба прыцягваць да адказнасці тых спартсменаў, якія былі выкрыты ва ўжыванні допінгу. "Не ведаеце, хто вінаваты, не трэба палітызаваць гэты працэс, бо гэта ўспрымаецца не інакш як палітычныя санкцыі супраць краіны", - дадаў Прэзідэнт Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі