24 лютага, Мінск /Кар. БЕЛТА/. Для Беларусі сёння няма ніякай пагрозы ні на адным напрамку. Аб гэтым Прэзідэнт Беларусі Аляксандр Лукашэнка заявіў сёння на аператыўнай нарадзе з ваеннымі, перадае карэспандэнт БЕЛТА.
"Ніякай панікі, абсалютна ніякай! Усе мерапрыемствы, якія запланаваны, праводзім: і спартыўныя, і грамадска-палітычныя - усе мерапрыемствы. Ніякай сёння пагрозы для краіны няма ні на адным напрамку, але мы планы іх бачым і ведаем", - падкрэсліў беларускі лідар.
"Задача ваенных - зрабіць так, каб кожны беларус адчуваў сябе абароненым. І мы гэта зробім. Мы пачалі ўжо гэта рабіць, - заявіў Аляксандр Лукашэнка. - Урад, губернатары павінны забяспечыць нармальны рытм эканомікі і аператыўнае вырашэнне ўсіх жыццёвых пытанняў грамадзян".