Прамовы і інтэрв’ю

Лукашэнка: з кіраўніцтвам Кітая ў нас з даўняга часу склаліся цёплыя дружалюбныя адносіны

Фота з архiва

8 жніўня, Мінск /Кар. БЕЛТА/. Паміж Беларуссю і Кітаем склаліся вельмі моцныя адносіны. Аб гэтым Прэзідэнт Беларусі Аляксандр Лукашэнка заявіў у інтэрв'ю амерыканскаму часопісу Time, паведамляе БЕЛТА.

Кіраўнік дзяржавы адзначыў, што ўпершыню наведаў Кітай яшчэ ў дэпутацкія гады і ўжо тады інтуітыўна адчуў, што за гэтай краінай будучыня.

"Што датычыцца Сі Цзіньпіна, нашых дружалюбных адносін, ён, з'яўляючыся другім чалавекам у Кітаі, прылятаў да мяне. Я памятаю, ён папрасіў мяне ахарактарызаваць, як я бачу сітуацыю ў свеце. Пра многае гаварылі. Мы падышлі да глобуса (гэты глобус у мяне ў кабінеце дагэтуль) і на карце я ахарактарызаваў сітуацыю так, як разумеў. Пра нашы адносіны з Кітаем яму расказваў", - падзяліўся Аляксандр Лукашэнка.

У свой час Беларусь перадавала Кітаю тэхналогіі ў вытворчасці самазвалаў, што таксама ўмацавала ўзровень даверу паміж краінамі.

"Таму ў нас вельмі моцныя адносіны. Больш таго, вы ведаеце, што мой малодшы сын вучыцца ў Кітаі. У нас устанавіліся з імі ўжо такія, ведаеце, сямейныя, можна сказаць, адносіны", - заявіў Прэзідэнт.

Пра гэта сведчыць і фармат узаемадзеяння двух лідараў: часта Аляксандр Лукашэнка і Сі Цзіньпін абмяркоўваюць двухбаковае супрацоўніцтва і глабальны парадак дня ў нефармальнай абстаноўцы. Бывалі яны і ў гасцях адзін у аднаго. "У нас з даўняга часу склаліся з імі цёплыя дружалюбныя адносіны", - заявіў кіраўнік дзяржавы.

версія для друку

зрабіць стартавай

дабавіць у выбранае