Прамовы і інтэрв’ю

Лукашэнка: вакцыны ад COVID-19 павінны стаць здабыткам усяго чалавецтва

Фота з архiва

14 кастрычніка, Мінск /Кар. БЕЛТА/. Вакцыны ад COVID-19 павінны стаць здабыткам усяго чалавецтва. Аб гэтым Прэзідэнт Беларусі Аляксандр Лукашэнка заявіў сёння на сустрэчы з дырэктарам Еўрапейскага рэгіянальнага бюро Сусветнай арганізацыі аховы здароўя Хансам Клюге, перадае карэспандэнт БЕЛТА.

"Я абсалютна падтрымліваю СААЗ і перш за ўсё яе кіраўніцтва ў тым, што нельга быць сёння эгаістам і індывідуалістам", - падкрэсліў беларускі лідар.

"Я маю на ўвазе краіны, якія спрабуюць закрыцца, аб'явіць лакдаўны, якія, маючы лякарствы, не заўсёды своечасова і ў патрэбным аб'ёме пастаўляюць іх на рынак. Маючы магчымасць вырабляць сродкі індывідуальнай аховы, не заўсёды дзеляцца з іншымі краінамі. Асабліва вакцынацыя. Вакцыны павінны стаць здабыткам усяго чалавецтва планеты. Гэта інтэрнацыянальная хвароба", - заявіў кіраўнік дзяржавы.

Ён падкрэсліў, што калі нейкая краіна думае ізалявацца і ў гэтым плане паспрабаваць шчасця, нічога не атрымаецца. "Трэба ўсім разам пераадольваць гэту хваробу. Вось у гэтым плане я вас абсалютна падтрымліваю", - дадаў Аляксандр Лукашэнка.

версія для друку

зрабіць стартавай

дабавіць у выбранае