У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

24 Крс 2018

Лукашэнка: унутраны патэнцыял дае магчымасць нашай эканоміцы расці незалежна ад кан'юнктуры цэн

Лукашэнка: унутраны патэнцыял дае магчымасць нашай эканоміцы расці незалежна ад кан'юнктуры цэн

24 красавіка, Мінск /Кар. БЕЛТА/. Унутраны патэнцыял дае магчымасць беларускай эканоміцы расці незалежна ад кан'юнктуры цэн. Аб гэтым Прэзідэнт Беларусі Аляксандр Лукашэнка заявіў сёння ў Пасланні беларускаму народу і Нацыянальнаму сходу, перадае карэспандэнт БЕЛТА.

"Наш унутраны патэнцыял дае магчымасць, каб эканоміка расла незалежна ад таго, колькі каштуе нафта і які яе аб'ём мы перапрацуем, якая кан'юнктура на калій або прадукты харчавання", - сказаў Аляксандр Лукашэнка.

Канкурэнтаздольнасць беларускіх тавараў і паслуг павінна быць такой, каб знешнія фактары ўплывалі на развіццё краіны мінімальна, падкрэсліў Прэзідэнт. "Гэта задача - пытанне не аднаго дня, хоць аб яе вырашэнні мы гаворым ужо з дзясятак гадоў. Патрэбны рэзультат, - патрабуе кіраўнік дзяржавы. - Сярэднетэрміновая мэтавая ўстаноўка даведзена да ўсіх. Нават у сродках масавай інфармацыі, хто хацеў, аб гэтым ужо выказаўся. Яна застанецца нязменнай - дасягненне да канца наступнай пяцігодкі ВУП не менш як $100 млрд".

Аляксандр Лукашэнка заўважыў, што для такога рыўка неабходны маштабныя рашэнні. "Апераджальны рост - сістэмная задача, і кожны павінен бачыць сябе ў яе забеспячэнні. Для гэтага стратэгічныя крокі патрэбныя ва ўсіх сферах: інвестыцыйнай, падатковай, фінансавай, у галінах рэальнага сектара, у сферы паслуг, - звярнуў увагу Прэзідэнт. - Таксама звяртаюся да праваахоўнага блока, судовай улады - вы павінны забяспечваць вяршэнства закону, але без шкоды эканамічнаму росту".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс