Прамовы і інтэрв’ю

Лукашэнка: у Беларусі зроблены акцэнт на захаванні інтэлектуальнага патэнцыялу нацыі

Фота з архiва

25 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў дзеячаў навукі, работнікаў навукова-даследчых інстытутаў і ўстаноў вышэйшай адукацыі з Днём беларускай навукі. Аб гэтым БЕЛТА паведамілі ў прэс-службе кіраўніка дзяржавы.

"Айчынная навука па праву з'яўляецца стратэгічным рэсурсам апераджальнага развіцця і важнейшай апорай нацыянальнай эканомікі і грамадства, - гаворыцца ў віншаванні. - Дзякуючы высокаму прафесіяналізму беларускіх вучоных дасягнуты значныя поспехі ў галіне космасу і авіяцыі, мікраэлектронікі і атамнай энергетыкі, медыцыны і фармацыі, біятэхналогій і разумнай сельскай гаспадаркі. Гэта сур'ёзны стымул рухацца наперад".

Прэзідэнт канстатаваў, што сёння перад навуковай супольнасцю стаяць задачы, звязаныя з рэалізацыяй прыярытэтных напрамкаў навуковай і інавацыйнай дзейнасці, пашырэннем міждысцыплінарных даследаванняў і ўкараненнем перадавых тэхналогій у практыку. "Аднак галоўны акцэнт зроблены на захаванні інтэлектуальнага патэнцыялу нацыі і ўмацаванні тэхналагічнага суверэнітэту, які ў сучасных рэаліях служыць фундаментам незалежнасці і канкурэнтаздольнасці краіны", - звярнуў увагу беларускі лідар.

Аляксандр Лукашэнка падкрэсліў, што набыты вопыт, пераемнасць і дакладная арыентацыя на канкрэтны вынік дадуць магчымасць беларускай навуцы дасягнуць пастаўленых мэт.

Кіраўнік дзяржавы пажадаў прадстаўнікам навуковай супольнасці здароўя, шчасця і новых навуковых адкрыццяў на карысць роднай Беларусі.

версія для друку

зрабіць стартавай

дабавіць у выбранае