Прамовы і інтэрв’ю

Лукашэнка: у Беларусі вельмі высока цэняць дружбу з Зімбабвэ

14 мая, Мінск /Кар. БЕЛТА/. У Беларусі вельмі высока цэняць дружбу з Зімбабвэ. Аб гэтым Прэзідэнт Беларусі Аляксандр Лукашэнка заявіў на перагаворах у Мінску з Прэзідэнтам Зімбабвэ Эмерсанам Мнангагвам, перадае карэспандэнт БЕЛТА.

"Мы вельмі высока цэнім дружбу з вашай краінай, вашым народам. Нас аб'ядноўвае агульнасць падыходаў да фарміравання справядлівага светапарадку, заснаванага на суверэннай роўнасці ўсіх дзяржаў, шматбаковасці, павазе Статуту ААН і міжнароднага права", - сказаў Аляксандр Лукашэнка.

"Яшчэ раз хачу падкрэсліць, што вы для нас у Беларусі заўсёды жаданы госць, а Белавежская пушча (дзе лідар Зімбабвэ пабываў са сваёй жонкай у ходзе гэтага візіту. - Заўвага БЕЛТА) для вас ужо стала родным домам. Прыязджайце ў любы дзень, у любы час са сваёй жонкай, з сям'ёй. Правядзіце тут час у гэтым клімаце камфортным, не такім, можа, гарачым, як у вас летам бывае", - запрасіў Прэзідэнт Беларусі.

Што датычыцца двухбаковага супрацоўніцтва, ён падкрэсліў, што зімбабвійскі бок няма неабходнасці пераконваць у адказнасці беларускіх партнёраў, гатоўнасці дакладна і ў тэрмін выконваць заключаныя дамоўленасці. "Мы заўсёды будзем верныя гэтаму прынцыпу. У гэтым можаце не сумнявацца", - запэўніў Аляксандр Лукашэнка.

версія для друку

зрабіць стартавай

дабавіць у выбранае