Прамовы і інтэрв’ю
Лукашэнка: Цяперашняе пакаленне супрацоўнікаў КДБ забяспечвае надзейную абарону беларускай дзяржавы
20 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў кіраўніцтва, асабовы склад, ветэранаў органаў дзяржаўнай бяспекі Беларусі з прафесійным святам. Аб гэтым БЕЛТА паведамілі ў прэс-службе беларускага лідара.
"У слаўным векавым летапісе нацыянальнай спецслужбы ёсць нямала яркіх старонак, напоўненых легендарнымі імёнамі, прыкладамі сапраўднага патрыятызму, крыштальнай сумленнасці, бездакорнага выканання службовага абавязку і гатоўнасці да самаахвярнасці", - гаворыцца ў віншаванні.
Аляксандр Лукашэнка падкрэсліў, што служэнне Радзіме - асаблівы гонар і вялікая адказнасць. "Упэўнены, што цяперашняе пакаленне супрацоўнікаў дастойна выконвае свой абавязак, забяспечваючы надзейную абарону беларускай дзяржавы. Залог поспеху - прафесіяналізм і сталасць кадраў, высокі інтэлектуальны і тэхнічны патэнцыял органаў дзяржаўнай бяспекі", - адзначыў Прэзідэнт.
Асаблівыя словы ўдзячнасці кіраўнік дзяржавы адрасаваў ветэранам, якія з'яўляюцца ўзорам вернасці прысязе, сапраўднымі настаўнікамі, чый бясцэнны вопыт заўсёды запатрабаваны.
версія для друку
зрабіць стартавай
дабавіць у выбранае