Прамовы і інтэрв’ю

Лукашэнка: трэба спыніць гонку ўзбраенняў i весці дыялог, нельга глядзець адзін на аднаго праз прыцэл аўтамата

28 кастрычніка, Мінск /Кар. БЕЛТА/. Цяпер асабліва важна спыніць гонку ўзбраенняў і весці дыялог, а не глядзець адзін на аднаго праз прыцэл аўтамата. Аб гэтым Прэзідэнт Беларусі Аляксандр Лукашэнка заявіў на ІІІ Мінскай міжнароднай канферэнцыі па еўразійскай бяспецы, перадае карэспандэнт БЕЛТА.

Аляксандр Лукашэнка на заканчэнне свайго выступлення падзякаваў усім удзельнікам канферэнцыі за тое, што яны, нягледзячы ні на што, дабраліся да Мінска, а таксама пажадаў плённай працы і разумных ідэй, якія цяпер так патрэбны. "Але яшчэ больш патрэбнае для нас - дзеянні ў сувязі з тымі ідэямі, якія вы даўно выказваеце. Проста нельга дапусціць словаблудства і ператварэння нашых размоў у нішто. Пасля гэтага павінны быць дзеянні. Сёння такі перыяд, што мы павінны быць нацэлены на гэта", - падкрэсліў кіраўнік дзяржавы.

Аляксандр Лукашэнка таксама падкрэсліў неабходнасць спыніць гонку ўзбраенняў, паколькі цяпер усе кажуць, што не будуць уцягвацца ў яе, аднак рэальнасць сведчыць аб адваротным. "Бачачы, які сёння свет, дзяржавы будуць траціць апошнія грошы для таго, каб забяспечыць сваю бяспеку. А калі не змогуць ваяваць з патэнцыяльным агрэсарам, (то будуць імкнуцца. - Заўвага БЕЛТА) як Беларусь, нанесці гэтаму праціўніку непапраўны ўрон", - адзначыў Прэзідэнт.

"Нам патрэбны дыялог. Нельга глядзець адзін на аднаго праз прыцэл аўтамата. Ні ў якім выпадку нельга. Трэба заўсёды размаўляць. Калі не размаўляюць, тады вайна бліжэй", - заявіў беларускі лідар.

версія для друку

зрабіць стартавай

дабавіць у выбранае