Прамовы і інтэрв’ю

Лукашэнка: Трамп чым мне падабаецца - ён як думае, так i гаворыць

20 сакавіка, Мінск /Кар. БЕЛТА/. Прэзідэнту Беларусі Аляксандру Лукашэнку падабаецца прамалінейнасць цяперашняга Прэзідэнта ЗША Дональда Трампа. Аб гэтым ён заявіў у размове з журналістамі, перадае карэспандэнт БЕЛТА.

"Трамп чым мне падабаецца - ён як думае, так і гаворыць. Мне гэты падыход падабаецца. Таму што мы бачым сапраўдную палітыку і мэты амерыканскага кіраўніцтва. І бачым, хто такія амерыканцы. Мне гэта падабаецца, - сказаў кіраўнік дзяржавы. - І вы многае цяпер зразумелі, убачылі. І дэмакратыю амерыканскую, і знешнюю палітыку - на чым яна заснавана. Аказваецца, на нафце, прыродным газе і гэтак далей. І долар плюс да гэтага. І так было заўсёды ў іх. Але ніхто так адкрыта, як Трамп, не гаварыў".

Аляксандр Лукашэнка адзначыў, што Дональд Трамп - гэта ў добрым сэнсе слова акцёр, а яшчэ бізнесмен, журналіст, эканаміст і крыху палітык.

Прэзідэнт Беларусі падкрэсліў, што таксама заўсёды адкрыта гаворыць, калі лічыць, што цяперашняя адміністрацыя ў ЗША і сам Дональд Трамп дзейнічаюць няправільна і дапускаюць тыя ці іншыя памылкі. "Вайна ў Іране, Венесуэла - захапілі Мадуру", - прывёў ён прыклады.

Аляксандр Лукашэнка таксама звярнуў увагу, што і ўнутры ЗША на дзеючага Прэзідэнта аказваецца сур'ёзны націск, і ў тым ліку з боку ваенных. "А можа, і нейкая глыбінная дзяржава. Ужо і амерыканцы аб гэтым гавораць", - адзначыў беларускі лідар.

версія для друку

зрабіць стартавай

дабавіць у выбранае