Прамовы і інтэрв’ю

Лукашэнка: сістэма падрыхтоўкі беларускіх спартсменаў дае магчымасць ім дабівацца яркіх перамог

Фота з архiва

10 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў работнікаў і ветэранаў Міністэрства спорту і турызму з 30-годдзем з дня яго ўтварэння. Аб гэтым БЕЛТА паведамілі ў прэс-службе беларускага лідара.

"Умацаванне здароўя народа, развіццё спорту вышэйшых дасягненняў і масавага фізкультурнага руху - прыярытэтныя напрамкі дзяржаўнай палітыкі, рэалізацыя якіх з'яўляецца першачарговай задачай міністэрства", - гаворыцца ў віншаванні.

Кіраўнік дзяржавы адзначыў, што сфарміраваная сістэма падрыхтоўкі спартсменаў дае магчымасць беларускім атлетам дабівацца яркіх перамог на буйнейшых міжнародных турнірах і алімпіядах. "Гэтыя дасягненні - гонар нацыі і сведчанне сілы духу беларусаў", - падкрэсліў Прэзідэнт.

Асаблівыя словы ўдзячнасці Аляксандр Лукашэнка адрасаваў ветэранам - усім, хто нястомна працаваў і працуе на славу беларускага спорту, захоўваючы і прымнажаючы яго пераможныя традыцыі.

Кіраўнік дзяржавы пажадаў работнікам і ветэранам Мінспорту і турызму здароўя, міру і новых здзяйсненняў у імя працвітання Радзімы.

версія для друку

зрабіць стартавай

дабавіць у выбранае