Прамовы і інтэрв’ю
Лукашэнка расказаў, хто i калі адкрыў сапраўдны другі фронт. I гэта не амерыканцы з французамі
29 красавіка, Валгаград /Кар. БЕЛТА/. Хто і калі ў час Другой сусветнай вайны адкрыў сапраўдны другі фронт, расказаў Прэзідэнт Беларусі Аляксандр Лукашэнка на міжнародным патрыятычным форуме Саюзнай дзяржавы "Вялікая спадчына - агульная будучыня" ў Валгаградзе, перадае карэспандэнт БЕЛТА.
Кіраўнік дзяржавы заўважыў, што ў час Другой сусветнай вайны дапамога аказвалася і з боку саюзнікаў, але не трэба выпускаць з-пад увагі важныя аспекты. "Давайце сумленна: саюзнікі далучыліся, калі наш салдат хрыбет зламаў фашысцкаму зверу", - сказаў Прэзідэнт.
Аляксандр Лукашэнка падкрэсліў, што тысячы ўраджэнцаў усяго Савецкага Саюза, у тым ліку Беларусі, абаранялі Сталінград. Прэзідэнт назваў шэраг імён лётчыкаў, танкістаў, артылерыстаў, пехацінцаў, якія атрымалі званне Героя Савецкага Саюза, а таксама згадаў камандуючага Данскім фронтам, аднаго з маршалаў Перамогі Канстанціна Ракасоўскага.
Прагучала таксама імя беларуса Аляксея Вашчанкі, які закрыў сваім целам амбразуру варожага дзота і тым самым увайшоў у гісторыю абароны горада, яго імя мае адна з вуліц Валгаграда.
"Дзякуй вам, што памятаеце, - сказаў кіраўнік беларускай дзяржавы ў адрас расійскага боку. - Памяць аб шматлікіх героях-вызваліцелях, сярод якіх беларусы, захоўвае Зала воінскай славы на Мамаевым кургане. Гэта нашы агульныя героі. Таму і Курган Славы пад Мінскам захоўвае зямлю з розных куткоў Савецкага Саюза, дзе ішлі самыя бязлітасныя баі. Мы беражом часцінку Сталінграда ў самым цэнтры нашай сталіцы, на плошчы Перамогі. Цагліны з легендарнага дома Паўлава закладзены ў падмурак аднаго з будынкаў па праспекце Незалежнасці. Гэта свяшчэнныя для нас рэліквіі".
Прэзідэнт падкрэсліў: у Беларусі ведаюць і памятаюць, што перамогу пад Сталінградам атрымаў увесь савецкі народ. Усе, хто працаваў на патрэбы Чырвонай Арміі ў глыбокім тыле, адцягваючы на сябе ўвагу ворага і падрываючы ваенны патэнцыял вермахта знутры. "Гэта там, у тыле ворага, быў адкрыты сапраўдны другі фронт. Не амерыканцамі і французамі. І гэта быў адказ на жахлівыя злачынствы нацызму", - заявіў Аляксандр Лукашэнка.
версія для друку
зрабіць стартавай
дабавіць у выбранае