Прамовы і інтэрв’ю

Лукашэнка расказаў, як Беларусь не акунулася ў рынак, i падзякаваў Трампу за шчырасць

30 ліпеня, Брэст /Кар. БЕЛТА/. Прэзідэнт Беларусі Аляксандр Лукашэнка заявіў аб правільнасці выбранага шляху развіцця краіны, які заснаваны на вопыце і дасягненнях савецкага перыяду. Такое меркаванне кіраўнік дзяржавы выказаў на нарадзе аб перспектывах развіцця холдынга "Гарызонт", у тым ліку Брэсцкага электралямпавага завода, перадае карэспандэнт БЕЛТА.

Аляксандр Лукашэнка нагадаў, як у свой час яго называлі камуністам на постсавецкай прасторы, крытыкуючы за адмову поўнасцю пераходзіць да рыначнай эканомікі ў тым выглядзе, як яе прадстаўляюць на Захадзе. "Рынак, канкурэнцыя і іншае... Давай усіх у гэты рынак акунай, яны выпаўзуць", - прывёў Прэзідэнт заклікі, якія гучалі тады. - І нас у гэты рынак акуналі, разумеючы, што мы канкурэнцыі з імі (краінамі Захаду. - Заўвага БЕЛТА) не вытрымаем і гэта ўсё будзе іх".

Для Беларусі такі шлях быў непрымальны. "Мы не амерыканцы, якія навязвалі нам рынак. Мы, як яны, не друкуем грошы, долары, якія заўтра патрэбны будуць ва ўсім свеце. Іх перавагі вы ведаеце: на вайне, яшчэ на чымсьці яны атрымалі пэўны эфект", - адзначыў кіраўнік дзяржавы.

"Дзякуй Дональду Трампу. Ён больш адкрыты палітык, празмерна адкрыты. Мы цяпер зразумелі, што за палітыка (у ЗША ў адносінах да іншых краін. - Заўвага БЕЛТА). Цяпер вы разумееце, што ад нас хацелі? Нафту, грошы... Бамбім, калі няма нафты. Ён адкрыта гаворыць, што Венесуэла яму сто гадоў не патрэбна - патрэбна нафта. Я гэта разумеў даўно. Публічна не мог гаварыць", - звярнуў увагу Прэзідэнт.

У якасці прыкладу мудрай, разважлівай мадэлі развіцця дзяржавы Аляксандр Лукашэнка прывёў Кітай, дзе, у адрозненне ад краін постсавецкай прасторы, не развалілі, а развівалі Кампартыю і сістэму кіравання краінай. Прэзідэнт Беларусі асабліва падкрэсліў ролю Старшыні КНР Сі Цзіньпіна ў гэтым працэсе, таму што ён аб'яднаў вопыт мінулага з сучаснасцю і выдаў вынік. "Наколькі разумна кітайцы зрабілі. Нам трэба вывучаць гэты вопыт, ён жа вынік дае", - сказаў кіраўнік дзяржавы.

У Беларусі таксама зрабілі правільна, не адмаўляючыся ад савецкага мінулага. "Прайшоў час, і мы бачым, што мелі рацыю. Дзякуй Прэзідэнту Расіі, які ўжо публічна пачынае гаварыць: "Малайцы беларусы, яны нічога не разбурылі, яны захавалі, у адрозненне ад нас, расіян, багатай краіны". Я гэта вельмі цаню, для мяне гэта добрая ацэнка", - сказаў беларускі лідар.

версія для друку

зрабіць стартавай

дабавіць у выбранае