Прамовы і інтэрв’ю

Лукашэнка расказаў аб падрабязнасцях размовы з Пуціным аб сітуацыі ва Украіне

24 лютага, Мінск /Кар. БЕЛТА/. Прэзідэнт Беларусі Аляксандр Лукашэнка сёння на аператыўнай нарадзе з ваеннымі расказаў аб падрабязнасцях размовы з кіраўніком расійскай дзяржавы Уладзімірам Пуціным аб сітуацыі ва Украіне, перадае карэспандэнт БЕЛТА.

Кіраўнік дзяржавы нагадаў, што Прэзідэнт Расіі Уладзімір Пуцін аб'явіў аб правядзенні спецыяльнай ваеннай аперацыі ў Данбасе. Сёння раніцай лідары Беларусі і Расіі ў тэлефоннай размове абмеркавалі, як развіваецца сітуацыя ў гэтым рэгіёне. "Ён самым падрабязным чынам праінфармаваў мяне аб сітуацыі і, самае галоўнае, як развіваецца гэта сітуацыя. Як ён заявіў, мэта правядзення аперацыі адназначная: гэта спыненне генацыду народа ў Данецкай і Луганскай абласцях", - падкрэсліў Аляксандр Лукашэнка.

Прэзідэнт адзначыў, што пасля правядзення сумеснага вучэння на тэрыторыі Беларусі засталася частка групоўкі расійскіх войскаў. Ён растлумачыў, чаму было прынята такое рашэнне: "Каб не было інсінуацый: у час апошняй сустрэчы ў Маскве я асабіста прапанаваў Пуціну пакінуць некаторую колькасць Узброеных Сіл Расійскай Федэрацыі на поўдні нашай Беларусі. Чаму? Мне не сорамна аб гэтым сказаць: мы не былі гатовы прыкрыць паўднёвы напрамак у гэтай сітуацыі, паколькі ўкраінскія падраздзяленні - ваенныя, не пагранічныя - рушылі да граніцы і пачалі праводзіць там манеўры. Мы гэта бачылі, але ў нас там ніколі не было войскаў. Таму я прапанаваў нейкую невялікую частку (расійскіх войскаў. - Заўвага БЕЛТА) пакінуць там, на паўднёвых граніцах, пакуль мы сваімі Узброенымі Сіламі не заменім іх".

"Пуцін згадзіўся. Падкрэсліваю, што ён мне сказаў: "Ты маеш рацыю, трэба пакінуць. Гэта яшчэ адзін шанц ашалелым палітыкам ва Украіне зрабіць адпаведныя высновы. Можа, яны зразумеюць, што трэба сесці за стол перагавораў і прыняць рашэнне аб міры. Не павінны брацкія народы ваяваць". Вось аб чым мы дамовіліся. А не тое, што мы там рыхтавалі нейкую супраць Украіны вайну. Яшчэ раз падкрэсліваю: для таго, каб, як ён сказаў, украінцы, кіраўніцтва і палітыкі Украіны яшчэ раз зрабілі высновы і зразумелі, што трэба вырашаць за сталом перагавораў гэтыя пытанні", - заявіў Аляксандр Лукашэнка.

версія для друку

зрабіць стартавай

дабавіць у выбранае