Прамовы і інтэрв’ю

Лукашэнка прапанаваў сфарміраваць пантэон нацыянальных герояў i назваў галоўны крытэрый

17 верасня, Мінск /Кар. БЕЛТА/. Прэзідэнт Беларусі Аляксандр Лукашэнка ў час сустрэчы з ідэалагічным актывам, гістарычнай і экспертнай супольнасцю, прысвечанай Дню народнага адзінства, прапанаваў сфарміраваць пантэон нацыянальных герояў і назваў яго галоўны крытэрый, перадае карэспандэнт БЕЛТА.

Адной з тэм, якую кіраўнік дзяржавы абазначыў у час сустрэчы, стаў пантэон нацыянальных герояў. Паводле слоў Аляксандра Лукашэнкі, гэта тэма вельмі адчувальная.

"Таксама трэба разумець, хто герой, хто вораг, хто ўнёс уклад у сусветную культуру, навуку, гісторыю, захаваўшы сувязь з Радзімай, хто зрабіў тое ж самае, але адрокся ад сваёй ідэнтычнасці. Нікога не выкрэсліваем са сваёй гісторыі. Але акцэнты павінны быць зроблены дакладна і, пажадана, без паўмер", - падкрэсліў ён.

Пры гэтым, канстатаваў Прэзідэнт, таксама выразна трэба аргументаваць афіцыйную пазіцыю і адлюстроўваць яе ў інфармацыйных крыніцах. "Крытэрый адзін - адданасць інтарэсам роднай зямлі і свайго народа", - дадаў ён.

У сувязі з гэтым кіраўнік дзяржавы пацікавіўся, ці робяцца такія акцэнты ў школьных праграмах і праграмах ВНУ. Паводле яго слоў, кожны гістарычны персанаж - гэта выхавальнік дзяцей.

"З героямі Вялікай Айчыннай вайны ўсё зразумела: яны гераічна гінулі за Радзіму. Але ў нас былі і вялікія перыяды мірнай гісторыі. Нам патрэбны прыклады людзей, якія гераічна жылі і працавалі", - упэўнены Аляксандр Лукашэнка.

версія для друку

зрабіць стартавай

дабавіць у выбранае