Прамовы і інтэрв’ю
Лукашэнка пра знешнюю палітыку Беларусі: я ніколі на двух крэслах не сядзеў
8 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю амерыканскаму часопісу Time расказаў аб прыярытэтах знешняй палітыкі Беларусі, паведамляе БЕЛТА.
Аляксандр Лукашэнка адзначыў, што на Захадзе можна пачуць меркаванні аб тым, што Беларусь "акупіравана Крамлём". У сувязі з гэтым Прэзідэнт звярнуў увагу на сітуацыю ў суседніх краінах. У той жа Украіне - багатая, магутная, у тры разы багацейшая за Беларусь, гэта краіна даўно акупіравана Захадам.
"А Польшча кім акупіравана? А краіны Балтыі, якія поўзаюць там нават не ў амерыканцаў. Амерыканцы ўжо, напэўна, пагардліва на іх глядзяць. У еўрапейцаў, у тых самых палякаў поўзаюць. Там са стала крошкі скінулі - яны хапаюць, каб іх падзяўбці, як кураняты. Яны не акупіраваны?" - запытаў кіраўнік дзяржавы.
"Усе мы ад некага залежым, асабліва сярэднія, малыя дзяржавы. І ўсе мы імкнёмся да кагосьці прыхінуцца, быць у саюзе, каб забяспечыць у тым ліку сваю бяспеку. Гэта называецца палітыка балансавання. Мяне часта папракалі, што я на двух крэслах ледзь ці не хачу ўседзець. Ніколі на двух крэслах не сядзеў", - заявіў Аляксандр Лукашэнка.
Ён падкрэсліў, што Беларусь заўсёды імкнулася развіваць дружалюбныя адносіны са сваімі суседзямі. Бо яны, як часта гаворыць кіраўнік дзяржавы, ад бога, іх не выбіраюць.
"Я з імі павінен мець адносіны. Я і расіянам аб гэтым гавару. І потым, у мяне ж і інтарэсы ёсць нейкія ў гэтых дзяржавах. У тым жа Еўрапейскім саюзе. І нават у далёкай Амерыцы ёсць свае інтарэсы. Перш за ўсё эканамічныя. Дыпламатычнага характару. Што тут дрэннага? Гэта зразумела", - канстатаваў Прэзідэнт.
У той жа час ён звярнуў увагу, што галоўнымі саюзнікамі для Беларусі застаюцца Расія і Кітай. Сярод прыярытэтаў таксама краіны далёкай дугі.
"Гэта ж зразумела. І свет жа мяняецца. Нельга ж вось раз і назаўсёды сесці на тыя драбіны, як гэта было 100 гадоў таму або ў савецкі час, і на іх скакаць. Свет змяніўся, і мы павінны мяняцца. Калі не будзем мяняцца, разатруць, самнуць і знішчаць", - упэўнены беларускі лідар.
версія для друку
зрабіць стартавай
дабавіць у выбранае