Прамовы і інтэрв’ю

Лукашэнка перакананы, што рана ці позна народы Беларусі, Расіі i Украіны ўсё роўна будуць разам

25 чэрвеня, Мінск /Кар. БЕЛТА/. Рана ці позна народы Беларусі, Расіі і Украіны ўсё роўна будуць разам. Упэўненасць у гэтым выказаў Прэзідэнт Беларусі Аляксандр Лукашэнка 25 чэрвеня на сустрэчы са старшынёй Савета Федэрацыі Федэральнага сходу Расіі Валянцінай Мацвіенка, перадае карэспандэнт БЕЛТА.

"Расія, Беларусь - гэта, як я гавару, наша агульная Айчына. Не мы з вамі вінаватыя, што тут дзве дзяржавы ўтварыліся. Але гэта вельмі дружалюбныя, брацкія дзяржавы. Думаю, няма той сілы, якая магла б разбурыць гэта адзінства", - заявіў беларускі лідар.

"Хоць жадаючых вельмі шмат", - заўважыла наконт гэтага Валянціна Мацвіенка.

"Вельмі шмат, - пагадзіўся Аляксандр Лукашэнка. - Але я ўпэўнены (і аб гэтым гаварыў нядаўна прадстаўнікам Зяленскага), што ўсё роўна нашы народы будуць разам. Рана ці позна мы будзем усё роўна разам. А як інакш? Вашы родныя пахаваны ва Украіне. Вы сёння працуеце на карысць не толькі Расіі, але і Беларусі, і не супраць той жа Украіны. Ну як гэта ўсё разарваць? Гэта немагчыма. Нашы людзі там жывуць, заўсёды разам жылі і сябравалі. І будуць сябраваць".

"Пройдзе час, мы галаву сваю ў парадак прывядзём і наладзім нашы адносіны. Я ў гэтым абсалютна ўпэўнены. І ў гэтым плане вы можаце на Беларусь разлічваць", - заявіў Прэзідэнт.

Візіт Валянціны Мацвіенка ў Мінск звязаны з XIII Форумам рэгіёнаў Беларусі і Расіі, галоўнымі арганізатарамі якога традыцыйна выступаюць Савет Рэспублікі Нацыянальнага сходу Беларусі і Савет Федэрацыі Федэральнага сходу Расіі. Яны аказваюць парламенцкае садзейнічанне развіццю і ўмацаванню міжрэгіянальнага супрацоўніцтва дзвюх краін.

версія для друку

зрабіць стартавай

дабавіць у выбранае