Прамовы і інтэрв’ю
Лукашэнка перакананы, што ніякай гарачай вайны не будзе
10 лютага, Мінск /Кар. БЕЛТА/. Прэзідэнт Беларусі Аляксандр Лукашэнка перакананы, што ніякай гарачай вайны не будзе. Аб гэтым ён заявіў сёння, прымаючы кадравыя рашэнні, перадае карэспандэнт БЕЛТА.
"Усё на слыху. Ваенныя, ваенныя, ваенныя... Можа, кажуць, недзе перабралі меру з гэтымі тэрмінамі ваеннымі. Ну а што нам, маўчаць. Каб потым, калі раптам нешта здарыцца, народ нам скажа: а дзе ж вы былі, чаму нам не гаварылі? Таму я нават, аналізуючы свае крокі і ўчынкі, часта думаю: можа, мы залішне людзям аб гэтым гаворым? А як не гаварыць, калі вакол такая сітуацыя складваецца? Я проста перакананы, што ніякай гарачай вайны не будзе. Ужо занадта мы прывыклі да камфорту, - заявіў кіраўнік дзяржавы. - А з зоны камфорту вылезці і пачаць ваяваць... Я думаю, Павел (Павел Муравейка, які назначаны першым намеснікам дзяржаўнага сакратара Савета бяспекі. - Заўвага БЕЛТА), ты не горш за мяне ведаеш, што такое ваяваць. У акопах, напэўна, пасядзеў, пастраляў, папоўзаў на тактычных занятках і гэтак далей".
"Таму я не думаю (што будзе гарачая вайна. - Заўвага БЕЛТА). Калі ашалелыя нейкія там нацыкі ва Украіне не ўчыняць правакацыю, ваяваць не будзем, мы не падышлі да гэтай вайны", - сказаў Аляксандр Лукашэнка.
Разам з тым ён перакананы, што людзям аб існуючай сітуацыі гаварыць трэба: "Каб яны разумелі, што ў любы момант..."
"Яны ж нас мацаюць (патэнцыяльныя праціўнікі. - Заўвага БЕЛТА): то верталёт заляціць, то самалёт, то беспілотнік. Я ўжо не гавару аб тым, што там людзі пераходзяць праз граніцу і гэтак далей. Таму не толькі вайна ідзе ў сродках масавай інфармацыі і эканамічная вайна супраць нас развязана. Гэта гібрыдная вайна пасля гэтага мяцяжу (размова пра падзеі жніўня 2020 года. - Заўвага БЕЛТА)", - сказаў кіраўнік дзяржавы.
Звяртаючыся да Паўла Муравейкі, Аляксандр Лукашэнка адзначыў, што давядзецца ажыццяўляць сур'ёзны кантроль за дзейнасцю арміі: "Каму, як не вам, ведаць, што адбываецца ў войсках. Але тут ужо вы не павінны ў абдымку хадзіць з тымі, хто вас рэкамендаваў. Вы ўжо - чалавек Прэзідэнта, і вы маімі вачамі павінны глядзець на Узброеныя Сілы. Не толькі на армію. Таму ўчора яны вас рэкамендавалі, а заўтра яны павінны разумець, што вы павінны быць аб'ектыўным чалавекам у адносінах да Узброеных Сіл".
версія для друку
зрабіць стартавай
дабавіць у выбранае