VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

6 Ліп 2016

Лукашэнка патрабуе зрабіць працэдуру падаткаабкладання максімальна камфортнай для бізнесу

Лукашэнка патрабуе зрабіць працэдуру падаткаабкладання максімальна камфортнай для бізнесу

6 ліпеня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка патрабуе, каб працэдура падаткаабкладання была максімальна камфортнай для бізнесу, але пры гэтым гарантавала рэалізацыю законных інтарэсаў дзяржавы. Гэта пытанне абмяркоўвалася сёння ў час рабочай сустрэчы Прэзідэнта Беларусі Аляксандра Лукашэнкі з міністрам па падатках і зборах Сяргеем Налівайкам, паведамляе БЕЛТА.

"Хацелі б ад вас пачуць аб праблемах. Што нам трэба зрабіць, каб было і прадпрымальнікам зручна, работнікам вытворчасці, - тым, хто плаціць падаткі, і каб дзяржава пры гэтым залішне не націскала на іх, але, тым не менш, нічога не страчвала ў гэтым плане. Атрымлівала тое, што павінна атрымліваць, што існуе ва ўсіх дзяржавах", - сказаў Прэзідэнт.

Кіраўнік дзяржавы звярнуў увагу, што падатковыя органы ў сваім развіцці перажываюць своеасаблівы пераломны этап у пытаннях удасканалення сістэмы падаткаабкладання і адміністравання. "Што ў гэтым плане зроблена, асабліва калі браць пад увагу інфарматызацыю? Мы дамаўляліся аб тым, што ў гэтым плане будзе зроблена нямала ў вашым ведамстве", - пацікавіўся кіраўнік дзяржавы.

Як расказаў журналістам міністр па выніках сустрэчы, асноўнай тэмай яго даклада Прэзідэнту была эфектыўнасць укаранёных электронных сістэм кантролю, а таксама рэалізацыя з 1 ліпеня механізма электронных рахункаў-фактур для плацельшчыкаў ПДВ. "Было даложана аб эфектыўнасці ўкаранёных сістэм, павышэнні збору плацяжоў, зніжэнні колькасці праверак дзякуючы ўкараненню такіх сістэм. Гэты трэнд будзе прадоўжаны. Наша асноўная задача - забяспечыць добрасумленным суб'ектам гаспадарання бескантактнае ўзаемадзеянне з падатковай службай пры мінімуме праверак. Калі аналітычныя сістэмы не паказваюць ніякіх рызык, праверак можа не быць у прынцыпе", - сказаў Сяргей Налівайка, адказваючы на пытанне карэспандэнта БЕЛТА.

Паводле слоў міністра, у пытаннях аблягчэння працэдуры падаткаабкладання для сферы бізнесу за апошнія пяць гадоў Беларусь шмат чаго дасягнула, аб чым сведчаць міжнародныя рэйтынгі, у прыватнасці Сусветнага банка. Створаны такія сістэмы, як спрошчаная сістэма падаткаабкладання, адзіны падатак, якія даюць магчымасць на даволі простым узроўні вылічваць і выплачваць неабходную суму, прывёў прыклад міністр.

Сяргей Налівайка таксама адзначыў важнасць стабільнасці ў падатковай сферы. "Гэты напрамак быў абазначаны кіраўніком дзяржавы яшчэ ў пачатку мінулага года. Гэта ўстаноўка нязменная, - заявіў ён. - Прынята рашэнне аб тым, што на працягу каляндарнага года стаўкі падаткаў і іх колькасць не будуць змяняцца. Думаю, па меры стабілізацыі эканамічнай сітуацыі і на больш доўгія перыяды будзе аб'яўляцца своеасаблівы мараторый на змяненне падаткаў і падатковых ставак".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход