Прамовы і інтэрв’ю

Лукашэнка папярэдзіў краіны Захаду аб наступствах мілітарызацыі i вяртання да ўсеагульнага прызыву

Фота Unsplash

15 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка папярэдзіў краіны Захаду аб наступствах мілітарызацыі і вяртання да ўсеагульнага прызыву. Адпаведныя заявы ён зрабіў у інтэрв'ю тэлеканалу "Аль-Арабія", паведамляе БЕЛТА.

У адным з пытанняў журналіст звярнула ўвагу на тое, што цяпер многія краіны Еўропы накіроўваюць вялізныя фінансавыя сродкі на мілітарызацыю. Аб'ёмы вытворчасці ў ваеннай сферы растуць хуткімі тэмпамі. А ў некаторых дзяржавах нават сталі гаварыць аб магчымасці аднаўлення ўсеагульнага прызыву.

Прэзідэнта спыталі, як ён расцэньвае гэтыя тэндэнцыі і якія магчымы наступствы.

"Гэта бяда", - лічыць кіраўнік дзяржавы. Ён упэўнены, што ў будучым паўстане пытанне аб тым, што рабіць з залішняй колькасцю ваенна-прамысловых прадпрыемстваў, як іх перапрафіляваць, каб выкарыстоўваць для грамадзянскіх патрэб.

"Цяпер эканоміка (краін Захаду. - Заўвага БЕЛТА) падтрымліваецца ў асноўным за кошт гэтай мілітарызацыі. Але трэба думаць: а што потым? Усё роўна прыйдзем да міру, усё роўна прыйдзем да таго, што патрэбны будуць прадукты харчавання, адзенне, трактары, аўтамабілі грамадзянскія - усё, што трэба для жыцця людзей. Але не аўтаматы, кулямёты і танкі, самалёты", - падкрэсліў Аляксандр Лукашэнка.

Ён нагадаў, што нешта падобнае ўжо адбывалася ў гісторыі. "Мы з гэтым сутыкаліся (на постсавецкай прасторы. - Заўвага БЕЛТА). Гэты працэс пасля распаду Савецкага Саюза (у Расіі асабліва) называўся канверсіяй. У выніку замест танкавай зброі пачалі каструлі выпускаць, талеркі, лыжкі, відэльцы, што абсалютна недапушчальна на высокатэхналагічных прадпрыемствах - такія прадпрыемствы былі ў сферы ВПК", - сказаў кіраўнік дзяржавы.

Што датычыцца вяртання да ўсеагульнай воінскай павіннасці ў краінах Захаду, якія раней ад яе адмовіліся, зрабіць гэта будзе праблематычна, лічыць Аляксандр Лукашэнка, бо ў грамадстве сфарміравалася асаблівае стаўленне да воінскай службы. "Тыя, хто цяпер не служыць, яны ўжо і не хочуць служыць, - заўважыў Прэзідэнт. - Зноў трэба перафармаціраваць галовы людзей. На Захадзе гэта будзе няпроста - у Амерыцы і ў заходніх краінах".

У Беларусі ў гэтым сэнсе дзейнічалі больш дальнабачна. "Мы да гэтага падышлі разумна. Мы не адмаўляліся ад усеагульнага прызыву, але мы ўвялі кантрактную службу там, дзе гэта трэба, - растлумачыў кіраўнік дзяржавы. - Ёсць у нас часці, якія выключна афіцэрскага складу, дзе служаць толькі кантрактнікі".

"Нас гэта праблема не хвалюе - у плане прызыву. Нас хвалюе, каб не было эскалацыі, не было вайны на тэрыторыі Беларусі", - падкрэсліў Прэзідэнт.

версія для друку

зрабіць стартавай

дабавіць у выбранае