Прамовы і інтэрв’ю

Лукашэнка папярэдзіў ЕС аб гатоўнасці жорстка адказаць на новыя пакеты санкцый

11 лістапада, Мінск /Кар. БЕЛТА/. Беларусь гатова жорстка адказаць на новыя пакеты еўрапейскіх санкцый. Аб гэтым Прэзідэнт Беларусі Аляксандр Лукашэнка заявіў сёння на нарадзе з кіраўніцтвам Савета Міністраў, перадае карэспандэнт БЕЛТА.

"Занадта многа нас пачалі палохаць пятым пакетам. На гэты пяты пакет, Раман Аляксандравіч (прэм'ер-міністр Раман Галоўчанка. - Заўвага БЕЛТА), вам было даручэнне: мы ім дараваць нічога не павінны. Польшча нас палохае, што закрые граніцу. Калі ласка, закрывайце: менш збеглых туды будзе перамяшчацца. Пытанне не ў гэтым. Я проста паслухаў гэтых нягоднікаў, якія наогул безгаловыя. А калі мы закрыем транзіт праз Беларусь? Праз Украіну не пройдзе: там расійская граніца закрыта. Праз Прыбалтыку дарог няма. Калі мы закрыем для палякаў і, напрыклад, для немцаў, што будзе тады? Мы не павінны, абараняючы свой суверэнітэт і незалежнасць, спыняцца - ні перад чым", - падкрэсліў Аляксандр Лукашэнка.

Кіраўнік дзяржавы таксама заўважыў, што праз Беларусь ідзе транснацыянальны магістральны экспартны газаправод Ямал - Еўропа, прычым апошнім часам аб'ёмы транзіту газу з Расіі на Захад значна павялічыліся. "Мы абаграваем Еўропу, яны нам яшчэ пагражаюць, што закрыюць граніцу. А калі мы перакрыем прыродны газ туды? Таму я б кіраўніцтву Польшчы, літоўцам і іншым безгаловым парэкамендаваў думаць перш чым гаварыць. Але гэта іх справа. Закрыюць - няхай закрываюць. Але МЗС павінна папярэдзіць усіх у Еўропе: калі толькі яны ўвядуць нам дадатковыя санкцыі, "незасваяльныя" і "непрымальныя" для нас, мы павінны адказваць. Як адказваць, мы з вамі дамаўляліся паўгода таму", - сказаў беларускі лідар.

версія для друку

зрабіць стартавай

дабавіць у выбранае