У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

25 Кст 2016

Лукашэнка падкрэслівае важнасць развіцця адносін з Заходняй Еўропай

Лукашэнка падкрэслівае важнасць развіцця адносін з Заходняй Еўропай

25 кастрычніка, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка падкрэслівае важнасць развіцця адносін з Заходняй Еўропай. Аб гэтым ён заявіў сёння, назначаючы новых паслоў у Германіі і Румыніі, перадае карэспандэнт БЕЛТА.

Кіраўнік дзяржавы падрабязна цікавіўся асабістымі якасцямі і вопытам назначаемых дыпламатаў. Ён асабліва падкрэсліў важнасць таго, каб пасольствы і МЗС у цэлым не проста прадстаўлялі краіну за мяжой, а самым актыўным чынам садзейнічалі развіццю гандлёва-эканамічнага супрацоўніцтва Беларусі з іншымі дзяржавамі. "Ад тавараабароту, як галоўнага паказчыка, нікуды не дзецца. Прадстаўляць краіну давядзецца, але адказваць перад сваёй краінай давядзецца за канкрэтны тавараабарот. Таму што гэта валюта, грошы. Гэта галоўнае пытанне жыцця нашай дзяржавы", - сказаў Аляксандр Лукашэнка.

Назначаючы пасла ў Германіі, Прэзідэнт падкрэсліў важнасць развіцця адносін у гэтым напрамку, а таксама з Заходняй Еўропай у цэлым. "Націск будзе і на яго вялікі, і на пасольства ў плане актывізацыі. Гэта нават не актывізацыя - там трэба ажыццяўляць прарыў, выкарыстоўваючы ўсе фактары і метады работы", - адзначыў ён.

Паводле слоў Прэзідэнта, таксама важна, каб кіраўнікі рознага ўзроўню былі не толькі добрымі выканаўцамі, але мелі і сваю пазіцыю, погляд на вырашэнне тых ці іншых пытанняў, дзейнічаючы пры гэтым у адпаведнасці з інтарэсамі дзяржавы. "Нам маўклівыя кіраўнікі не патрэбны. Яны павінны выказваць сваю пазіцыю, адстойваць яе. Не абараніў - значыць, нейкі пункт гледжання мацнейшы быў. Але свой пункт гледжання, асабліва ў пасла, павінен быць", - адзначыў кіраўнік дзяржавы.

Міністр замежных спраў Беларусі Уладзімір Макей запэўніў Прэзідэнта, што абодва дыпламаты з'яўляюцца адказнымі і прафесіянальнымі людзьмі і маюць дастатковы вопыт для эфектыўнай работы на названых пасадах.

Уладзімір Макей таксама канстатаваў, што Германія становіцца адным з важнейшых партнёраў Беларусі і займае даволі канструктыўную і прагматычную пазіцыю як у сферы палітычнага ўзаемадзеяння, так і ў пытанні развіцця гандлёва-эканамічнага супрацоўніцтва.

Пэўная актывізацыя адносін па розных напрамках адбываецца і ў супрацоўніцтве з Румыніяй.

Як паведамлялася, Надзвычайным і Паўнамоцным Паслом Беларусі ў ФРГ назначаны Дзяніс Сідарэнка. Андрэй Грынкевіч назначаны Надзвычайным і Паўнамоцным Паслом Беларусі ў Румыніі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс