Прамовы і інтэрв’ю
Лукашэнка не выключае, што мэтай атакі на рэзідэнцыю Пуціна быў зрыў мірнага працэсу
31 снежня, Мінск /Кар. БЕЛТА/. Прэзідэнт Беларусі Аляксандр Лукашэнка не выключае, што мэтай атакі дронамі на рэзідэнцыю Прэзідэнта Расіі ў Наўгародскай вобласці быў зрыў перагаворнага працэсу па мірным урэгуляванні канфлікту ва Украіне. Аб гэтым кіраўнік дзяржавы заявіў у Мінску журналістам, перадае карэспандэнт БЕЛТА.
"Можа, яны хацелі справакаваць Пуціна ў момант, калі ўжо мір вось побач. Каб сарваць гэты перагаворны працэс. Ёсць такі пункт гледжання. Што Пуцін там пойдзе на нейкую эскалацыю, што ён адмовіцца ад мірнага нейкага шляху. А сёння раніцай я ўжо заўважыў: нічога падобнага. У гэтым увесь Пуцін. Ён не мітусіцца. І ён мае рацыю. Не трэба спяшацца. Ёсць мірны трэк - ідзём па ім", - заявіў кіраўнік дзяржавы.
"Ну калі хтосьці не хоча і будзе такія правакацыі прадаўжаць, чым гэта закончыцца - таксама зразумела. Таму я б усё ж такі... Хацеў сказаць "параіць"... Ну што ім раіць? Ім рай, не рай - яны ўсё роўна робяць па-свойму ва Украіне. Але проста папярэдзіць хачу, што гэта закончыцца бядой. У Расіі ёсць чым бахнуць па цэнтрах прыняцця рашэнняў, што каменя на камені не застанецца", - звярнуў увагу Аляксандр Лукашэнка.
"Трэба спыніцца, трэба, каб у будучым годзе ўсё ж такі дамовіліся аб міры. І я вельмі хацеў бы, каб у гэтым плане Дональд Трамп быў шчыры. Каб гэта не было ігрой ці спектаклем, дзе адну і тую ж ролю іграе Трамп і Захад у цэлым або еўрапейскія дзяржавы. Штосьці я так падазраю, калі так, што там нашы "браты-англічане" стаяць за гэтым. Цалкам магчыма", - сказаў кіраўнік дзяржавы.
"Такія моманты, калі ажыццяўляецца тэрарыстычная атака на Прэзідэнта, - гэта рэдкасць. І не бывае, каб хтосьці вялікі гэта не адобрыў. Гэта з вопыту", - заявіў Прэзідэнт.
"Уладзіміру Аляксандравічу (Зяленскаму. - Заўвага БЕЛТА) не трэба гэтым шляхам ісці. І так загубіў квітнеючую частку Еўропы. Ну, даб'е канчаткова. Не трэба яму гэтым шляхам ісці. Трэба, пакуль не позна, дамовіцца", - падкрэсліў Аляксандр Лукашэнка.
версія для друку
зрабіць стартавай
дабавіць у выбранае