Прамовы і інтэрв’ю

Лукашэнка назваў самае вялікае пытанне, якое трэба ўрэгуляваць

25 мая, Масква /Кар. БЕЛТА/. Прэзідэнт Беларусі Аляксандр Лукашэнка, адказваючы ў Маскве на пытанні журналістаў пасля завяршэння саміту ЕАЭС, назваў самае вялікае пытанне, якое трэба ўрэгуляваць, перадае карэспандэнт БЕЛТА.

Журналісты папрасілі ўдакладніць, што менавіта мелася на ўвазе, калі за некалькі дзён да візіту ў Расію Аляксандр Лукашэнка гаварыў аб неабходнасці абмеркаваць і вырашыць шэраг праблемных пытанняў. "Вы ведаеце, у нас не праблем, а пытанняў шмат, якія мы яшчэ павінны ўрэгуляваць. Самае вялікае пытанне, я пра яго гаварыў (на саміце. - Заўвага БЕЛТА), гэта адзіныя рынкі энергетычныя нашы - газу, нафты і гэтак далей. Гэта самае вялікае пытанне, якое трэба ўрэгуляваць. Ёсць транспартныя, лагістычныя, другарадныя пытанні. І, калі ніжэй апускацца, дробнае пытанне, здавалася б, - гэта некаторыя непаразуменні ў плане паставак нашых тавараў, асабліва сельгаспрызначэння, прадуктаў харчавання ў Расійскую Федэрацыю. Вось гэты комплекс пытанняў", - сказаў кіраўнік дзяржавы.

"Не пускаюць (прадукцыю на расійскі рынак. - Заўвага БЕЛТА)?" - удакладніў журналіст. Аляксандр Лукашэнка пацвердзіў: "Так, ёсць у нас праблемы па некаторых таварах. Мы разумеем гэта (дапусцім, малочныя прадукты), што перыяд вялікага малака. Калі ў Расіі малака больш, тады пачынаецца нейкае тармажэнне. Гэта няправільна. Думаю, што на ўзроўні ўрада мы вырашым гэта пытанне. Я нават з Прэзідэнтам Расіі не абмяркоўваю яго. Таму што гэта дзіўна".

Больш таго, Аляксандр Лукашэнка расказаў, што Уладзімір Пуцін на закрытай частцы саміту гаварыў аб тым, што ў Расіі ёсць недахоп малочных прадуктаў прыкладна на 15 працэнтаў. "Але мы не ўсю нават закрываем дзірку гэтым. Тым не менш камусьці гэта падабаецца", - заўважыў беларускі лідар.

Адказваючы на пытанне, ці ўдалося дамовіцца аб нечым канкрэтным па праблемных тэмах, Аляксандр Лукашэнка сказаў: "Я ж гавару ў комплексе для ЕАЭС. А з Расійскай Федэрацыяй любое пытанне, якое мы сёння ўздымаем, вырашаецца на працягу некалькіх дзён".

версія для друку

зрабіць стартавай

дабавіць у выбранае