Прамовы і інтэрв’ю

Лукашэнка назваў абсалютна незаконнымі ўдары па Іране i расказаў, які спектакль разыгрываюць ЕС i ЗША

1 ліпеня, Мінск /Кар. БЕЛТА/. Удары па Іране былі абсалютна незаконныя. Аб гэтым Прэзідэнт Беларусі Аляксандр Лукашэнка заявіў 1 ліпеня на ўрачыстым сходзе з нагоды Дня Незалежнасці, перадае карэспандэнт БЕЛТА.

Кіраўнік дзяржавы адзначыў, што цяперашнія ўдары па Іране нагадалі аб тым, як у свой час Злучаныя Штаты сфабрыкавалі падставу для ўварвання ў Ірак. Тады амерыканцы прадэманстравалі ў ААН прабірку - нібыта з узорам небяспечнага рэчыва.

Падобным чынам развівалася сітуацыя і з Іранам, які абвінавачвалі ў стварэнні або спробах стварэння ядзернай зброі.

"У Іране знайшлі а-ля прабірку: там ядзерная зброя заўтра будзе, значыць, трэба нанесці ўдар. Давайце падумаем: а хто даў права, хто дазволіў? Чаму краіна, якая валодае ядзернай зброяй, павінна бамбіць такую ж краіну, якая няхай нават, можа, імкнецца да гэтага (каб сябе абараніць). Якое права яна мае бамбіць?" - задаўся пытаннем Прэзідэнт.

Аляксандр Лукашэнка падкрэсліў, што "блытаныя, нязвязныя" звароты Дональда Трампа наконт гэтага былі проста смешныя. "Дарэчы, я амерыканцам аб гэтым гаварыў адкрыта", - сказаў кіраўнік дзяржавы.

Паводле слоў Прэзідэнта, на нядаўняй сустрэчы з пасланнікам Прэзідэнта ЗША па Украіне Кітам Келагам бакі падрабязна абмеркавалі сітуацыю ў Іране, у цэлым на Блізкім Усходзе. "Гэта для нас, гавару, непрымальна. Расказаў ім, як ваявалі разам. Гавару, ну там маладзейшыя былі людзі, вы, напэўна, у школе гэта не вучылі. А мы вучылі, вывучалі. Але былі і старэйшыя, равеснікі Трампа. "Вы ж, кажу, гэта помніце, ведаеце?" - "Разумеем, помнім", - расказаў Аляксандр Лукашэнка.

Прэзідэнт заявіў, што, аналізуючы сітуацыю ў свеце, не схільны давяраць Захаду. Сваю пазіцыю ён данёс і амерыканскаму боку.

"Трамп гаворыць адно, а яны ў Еўропе робяць другое. І гэту кашу заварылі - людзі, палітыкі нават не паспяваюць за гэтым сачыць. Усё гэта сцэнарый, на маю думку. Так, у Трампа ёсць крыўда на Еўропу: кінулі, за Байдэна ішлі сцяной. А перамог Трамп. Так, у яго ёсць крыўда. Ён чалавек, які не змог змірыцца з гэтай крыўдай, хоць любы палітык павінен быў перакрэсліць мінулае і пачаць будаваць сучаснае. Дык вось іх сучаснае - яны як былі разам, так і ёсць. Толькі ў гэтым спектаклі разыгрываюць розныя ролі. Таму не заспакойвайцеся і не думайце, што ўжо занадта штосьці змянілася. Іран гэта паказаў. З аднаго боку, Трамп - міратворац: "Гінуць людзі, хачу спыніць вайну ва Украіне!" І тут жа наносіць удар, абсалютна незаконны ўдар па Іране", - заявіў Прэзідэнт.

Падобным чынам, паводле яго слоў, развіваецца сітуацыя і ва Украіне: "Зноў сцэнарый, зноў спектакль. Нібыта міратворац з-за акіяна адышоў, ён нават супраць гэтай вайны, ён хоча яе спыніць, а вось гэтыя дурні, ідыёты - Захад, яны хочуць вайны. Кіньце, мы гэта ўсё бачым. Ролі размеркаваны. Прэзідэнт ЗША правільна ў пэўным сэнсе заявіў: "Гэта ваша вайна ў Еўропе, ваюйце". Але гэта не значыць, што яны па-за гульнёй. Яны зноў там, у цені. Яны думаюць, што схаваюцца ў сучасным свеце за акіянам".

версія для друку

зрабіць стартавай

дабавіць у выбранае