Прамовы і інтэрв’ю

Лукашэнка: наглядальнікі ад АБСЕ не прасіліся прыехаць на цяперашнія выбары

25 лютага, Мінск /Кар. БЕЛТА/. Наглядальнікі ад АБСЕ не прасіліся прыехаць на цяперашнія выбары ў Беларусь. Аб гэтым Прэзідэнт Беларусі Аляксандр Лукашэнка заявіў журналістам пасля галасавання на выбарах, перадае карэспандэнт БЕЛТА.

"Усе, хто прасіўся да нас прыехаць, мы, па-мойму, нікому не адмовілі. Калі б АБСЕ (наглядальнікі ад гэтай арганізацыі. - Заўвага БЕЛТА) захацела да нас прыехаць і зрабіла б такі запыт, мы яго разгледзелі б. Хутчэй за ўсё станоўча. Але яны не прасіліся. А чаму мы паўзці да іх павінны? Гэта нашы выбары", - сказаў кіраўнік дзяржавы.

Аляксандр Лукашэнка нагадаў, як на ранейшыя выбары наглядальнікі ад АБСЕ прыязджалі ўжо з выніковым заключэннем: "Яны загадзя падрыхтавалі пратакол - заключэнне. І згубілі. Нашы супрацоўнікі знайшлі, сфатаграфавалі і мне на стол. Слухайце, два дні да выбараў, папярэдняе галасаванне ідзе - яны перакрэслілі ўжо нашы выбары. Ну навошта іх сюды клікаць?" А пасля выбараў, прадоўжыў кіраўнік дзяржавы, адзін у адзін была агучаная тая першапачатковая загатоўка.

"Ну які сэнс запрашаць? Таму ні расіяне, ні мы іх не запрашаем. Але калі б яны захацелі пабываць у нас на выбарах, папрасілі мандат адпаведны, мы яго разгледзелі б і, упэўнены, мы прынялі б іх просьбу, - заявіў Прэзідэнт. - Пакуль жа яшчэ не позна. Галоўнае ж - лічыць, яны кажуць. Няхай прыязджаюць да вечара. Вось я іх усіх без віз запушчу ў Беларусь. Захочуць - няхай прыязджаюць. Пасля выбараў няхай прыедуць. Вопытныя людзі ўбачаць абстаноўку і могуць суаднесці вынікі выбараў з той рэчаіснасцю, якая будзе складвацца пасля выбараў".

версія для друку

зрабіць стартавай

дабавіць у выбранае