Прамовы і інтэрв’ю

Лукашэнка: мы ні з кім не збіраемся ваяваць - толькі дружба

5 чэрвеня, Гродна /Кар. БЕЛТА/. Беларусы ні з кім не збіраюцца ваяваць - толькі дружба. Аб гэтым Прэзідэнт Беларусі Аляксандр Лукашэнка заявіў на цырымоніі адкрыцця XV Рэспубліканскага фестывалю нацыянальных культур у Гродне, перадае карэспандэнт БЕЛТА.

"Галоўнае, што я хачу вам сказаць: калі вам нехта навязвае ідэю, што мы ваякі, не мірныя людзі, - не верце. Мы ні з кім не збіраемся ваяваць - толькі дружба, - заявіў Аляксандр Лукашэнка. - Мы не ставім сваёй мэтай ваяваць - мы хочам быць мірнымі людзьмі, мы хочам мірна жыць, Я хачу, каб на захадзе Беларусі, у Гродне, гэта цвёрда засвоілі: мы хочам міру, мы нясём народам мір. Ніякія мы не агрэсары і не суагрэсары".

Кіраўнік беларускай дзяржавы запэўніў, што ў Беларусі будуць рабіць усё для міру, і назваў вайну катастрофай. "Вайна ніколі не дасць нам магчымасць сабрацца так, як сёння. Нам не патрэбна вайна. Перамагчы (а мы абавязкова пераможам) мы можам толькі ў міры, у мірнай працы", - падкрэсліў Прэзідэнт.

Да прыезду на фестываль нацыянальных культур кіраўнік дзяржавы ўрачыста адкрыў Гродзенскую абласную клінічную бальніцу. Прэзідэнт паставіў задачу медыкам аказваць дапамогу не толькі беларусам, але і прадстаўнікам іншых нацыянальнасцей, якія па яе звернуцца.

"Калі да вас па дапамогу прыйдуць палякі, літоўцы, украінцы, расіяне, мы нікога не павінны адштурхоўваць. Калі мы можам дапамагчы, трэба дапамагчы. Гэта нашы суседзі - яны ад бога. Сёння мы ім дапаможам, заўтра яны нам дапамогуць, - сказаў Аляксандр Лукашэнка. - Можа, не адразу. Можа, ёсць нейкае недастатковае разуменне. Можа, яны нас лічаць агрэсарамі. Можа, празмерна негатыўна да нас ставяцца. Давайце гэта перажывём. Мы добрыя, прыстойныя людзі".

версія для друку

зрабіць стартавай

дабавіць у выбранае